別不同 港味道

Open Now

Now Closed

早排同老公去黃竹坑覓食，兜左個圈就係呢間食lunch我叫左個大閘蟹蟹粉絆麪， 掛住傾計晏左影相，麪條同蟹黃食得出係新鮮煮起，最難得係個薄脆真係脆架，脆脆脆～ 加埋個醋，好有食大閘蟹嘅感覺。食完想叫聲encore老公叫左咖喱牛肋條飯配溫泉蛋，佢話少少辣都幾好味。 食完同店主傾幾句，原來佢地用左3種唔同牛既部位去煮，俾食客多啲口感。餐飲我叫左薏米水，飲得出係自己煲既，少少甜，唔錯！餐廳冇咩裝修不過乾淨企理，食物選擇有待增加，希望小店進步，創作更加多食物總類。 新鮮既食材加用心製造能夠帶出令人回味的味道，希望香港有更多用心製作既小店。