別不同 港味道

Open Now

Now Closed

紅燒牛四寶 (牛助條/牛尾/牛根/牛腸)  Assorted Beef (ribs/ oxtail/ tendon/ intestine): There is a selection of dry noodles or soup noodles. As the weather is a bit cold, we chose the soup noodle. We are surprised by the large portion of soup noodles and the meat. The beef is tasty and i like the intestine the most. My family likes the ribs. 擔擔麵 Dan Dan noodles:As we cannot eat spicy food, we ordered the Dan Dan noodles with no spicy. We like their Chinese style noodles (刀削麵)  which is very chewy. The Dan Dan no

喺無聲無息之下，呢個小店竟然將Menu全新改造，變成一間小麵館。 本來係咁嘅天氣下，仲諗緊食飯定食麵，既然呢間良心小店變成麵館食麵啦⋯⋯但係佢又唔係之前嗰啲面亦都唔係魚蛋粉魚蛋麵嗰啲…餐牌仍然都唔係特別多選擇，但係上菜後竟然有我最愛吃嘅刀削麵，我叫嘅係椒麻牛筋麵，下單之前問咗好多次究竟辣唔辣，餐廳話唔辣，咁就試一試啦！上菜的時候有一點驚喜，因為我諗住係好少汁咁樣，但係原來呢一隻麵都幾多汁俾我撈，開頭諗住撈少少，點知發現要撈晒先好味…嗰隻味真係唔辣，但係又好香花椒味，我都係第一次食呢一種嘅味道原來係叫椒麻。牛筋 - 份量充足，而且好腍，絕對唔係一條兩條…感覺食咗好多骨膠原😂最後加杯熱奶茶，簡直為之very good ！都係嗰個係之前足料的港式奶茶冇得輸。如果唔係咁啱經過都唔知佢轉咗Menu或者餐廳可以做多少少推廣，因為我估呢個麵可能係其他舖頭都冇。仲有嘢飲選擇多咗超多。

值得一試的椒麻牛腸拌麵😋😋牛腸：很入味，有口感但不會咬不開，不會太油膩，份量合適麵：用上寬闊的麵，煙煙韌韌，不錯椒麻汁：辣辣地，但撈埋個寬麵幾好味，在寒冷嘅天氣下食少少辣嘢可以暖下身體環境：餐廳寬闊，唔使同人迫，也唔使排隊，乾淨，寧靜服務：店員有笑容，招呼好，店長不時會出嚟同客人打招價錢：午餐78元，可以接受整體：值得推介，有機會會回來試其他拌麵😍*店舖位置在One Island South側門Starbucks 旁邊，所以平時行開正門大馬路，是不會知道有這間舖的，若果食厭咗就Southside嘅舖頭也可以過來試一試啊💪

早兩星期同小朋友上興趣班前到了OIS樓下的別不同 港味道試試新菜單。見到菜單上每一樣食品都加入了某些港式元素。點了鴛鴦雞配油飯、黑咖哩牛肉飯同埋香煎本地豚肉湯麵。鴛鴦雞飯入面有新鮮的嘉美雞同清遠雞，可以試到兩種不同既雞有什麼分別。嘉美雞因為本身比較瘦，通常都比較嚡，但呢度完全無呢個問題，小朋友好快已經食完連影相的機會都沒有。黑咖哩有兩種唔同既牛肉部位可以食到有不同的好感。咖哩加上溫泉蛋香濃但係無蓋過牛肉既鮮味，絕對可以一試。豚肉湯麵入面的肉同外面食到既好唔同，最重要係無落鬆肉粉同埋無豬肉既騷味，配上無味精既湯，好味亦好適合小朋友食。這個小店可以再來，值得一試！

今天有機會和朋友一起在這裡聚會，餐廳環境很好，但令我驚訝的是他們的餐點，可以感覺出廚師的用心我點的是時令蟹粉拌麵，拌麵非常Q彈，搭配他們特調的蟹粉和黑醋，有上海的味道。 小菜裡的炸蝦球的表皮炸得相當酥脆可口，飲料我點了港式奶茶香醇濃郁非常好喝， 我看到隔壁桌點黑咖喱飯和手工咖啡這讓我期待我下次回來這裡可以點了餐點和飲料。餐廳服務人員都很有禮貌和上菜速快，食材新鮮用料， 餐點的美味都會讓我回來用餐。這家餐廳真的是個寶藏餐廳如果你是一個饕客，真的不能錯過。

今天終於有機會和朋友一起在那吃午飯， 餐廳環境非常好，但令我最驚艷的是他們的菜真的很特別，可以感覺的出廚師的用心。我點了蟹粉拌麵、麵條很Q彈搭配特調的醋吃起來真的有上海風味。 飲料我是點港式奶茶非常濃郁香甜，小菜裡的炸蝦球炸的非常酥脆這也是我喜愛的小菜之一，我有看到隔壁有點黑咖喱飯看起來也非常可口我心想下次一定也要試試這道菜。吃完後才了解到原來可以用餐費免停車，下次可以帶家人們來用餐。這家餐廳真的可以說是一家寶藏餐廳，饕客不能錯過！

早排同老公去黃竹坑覓食，兜左個圈就係呢間食lunch我叫左個大閘蟹蟹粉絆麪， 掛住傾計晏左影相，麪條同蟹黃食得出係新鮮煮起，最難得係個薄脆真係脆架，脆脆脆～ 加埋個醋，好有食大閘蟹嘅感覺。食完想叫聲encore老公叫左咖喱牛肋條飯配溫泉蛋，佢話少少辣都幾好味。 食完同店主傾幾句，原來佢地用左3種唔同牛既部位去煮，俾食客多啲口感。餐飲我叫左薏米水，飲得出係自己煲既，少少甜，唔錯！餐廳冇咩裝修不過乾淨企理，食物選擇有待增加，希望小店進步，創作更加多食物總類。 新鮮既食材加用心製造能夠帶出令人回味的味道，希望香港有更多用心製作既小店。

店舖推出了全新的主菜餐牌，比之前升級了！ 黑咖喱：成發椰子香料是出名的本地品牌，把黑朱古力加入它的咖喱，實在有創意，咖喱的味道更濃郁及有層次，也由於加了黑朱古力，咖喱較深色牛肉/ 牛肋條：店主說為了再提升客人的口感，牛肉會採用三種牛及不同牛的部位（包括美國angus beef, 澳洲和牛）溫泉蛋：值得一提的是那伴飯的溫泉蛋，配合黑巧克力咖喱，實在美味😋，值得一試👍後感：睇得出店主花了心思在它的主菜及希望帶給客人與別不同的午餐體驗，加油💪💪💪

今日行過在門外見到餐牌上面有一樣主菜叫鴛鴦雞（嘉美雞及清遠雞）會油飯。嘉美雞係本地科研嘅雞種，主要係冇打荷爾蒙針，而啲肉係比較嫩D。清遠雞就係走地雞，啲肉實淨啲。但是很少會見到餐廳將兩款雞同一時間做主菜，所以便入來試試。店主好有心機，將兩款不同的雞分開擺設，然後配搭不同的醬汁，令到兩款雞嘅鮮味更加突出。嘉美雞嘅雞肉果然嫩滑而清遠雞嘅雞肉就好有口感，絕對值得一試👍👍

今日（星期六）三數知己行街去到黃竹坑站，正直午餐時間，發現一家叫「別不同。港味道」嘅餐廳，決定入去一試。吃完後感覺唔錯，值得推介：餐廳環境簡潔明亮，主打套餐（套餐包括：小食、主食、甜品、飲品）真係牌面美滿。各人分別選了四款不同主食配不同小食/甜品/飲品。主食分別係口水雞、慢煮牛肋條、炸豬肉條配濃湯麵、蟹粉拌麵。質量俱佳，竟然小食和甜品都用心做，開胃解饞。那個新鮮淮山甜品好特色，連杯熱奶茶都唔錯。一頓飯層次分明，味道好，食後好有滿足感。人均消費百零蚊左右，真係性價比高，值得分享encore。還有意外着數，商場有泊車優惠…哈！哈！哈！

偷得浮生半日閒，同老公拍拖去試下新嘢。晚餐主打set ，有前菜，主食（飯／麫），甜品，仲跟一杯嘢飲，$90。睇下餐牌，有d簡陋，諗唔到有乜特別好食，好似同普通餐廳冇乜分別。突然有個肥肥哋嘅男人走過嚟，同我哋打招呼，原來係間餐廳老闆。佢好耐心咁同我哋解釋每一道菜嘅原材料都係用最好嘅食材，而且冇味精，煮法同其他餐廳點解唔同。於是我哋就揀咗呢度嘅招牌擔擔麵，茶葉蛋，同埋餐廳老闆不斷推介嘅自製凍檸茶，甜品就要咗火龍果糕。1. 茶葉蛋 + 自製凍檸茶茶葉蛋好入味，見到隻蛋嘅色水，就知道老闆用咗唔小心機同埋時間去醃製凍檸茶真係有啲與別不同，檸檬好新鮮，唔澀，但又唔係超甜，唔會好似其他餐廳咁飲完覺得有少少起痰。原來一杯少少嘅凍檸茶都咁有學問，用心做原來真係有啲唔同，值得一讚2. 招牌擔擔麵平時好怕食擔擔麵，因為好多時啲醬都會整到一pat pat好 ”傑”, 一係就整到太淡唔夠味。呢個招牌擔擔麵，味道啱啱好，花生醬香得來又唔係太濃，要畀個讚 食完終於明白點解呢個係招牌麵3. 火龍果糕食完咁濃味嘅擔擔麵，食一個火龍果糕，又幾清新喎，冇諗過火龍果糕做嘅甜品又幾好味喎。細細件，啱啱好食完咁濃味嘅嘢，返到屋

Drop 完小朋友去海洋公園活動，同老公搵地方醫肚。Southside 太多人，搵到呢間隱世小店。性價比超高，$80有主菜，飲品同甜品！叫咗個擔擔面同口水雞大大份，好足料，辣度大滿足❤️❤️❤️雖然賣相同環境一般，但係味道好有驚喜！

位於黃竹坑的別不同 港味道是一家真正用心經營的餐廳。這裡的菜式完美融合了中西方的烹飪精髓，每一道菜都充滿了心意。老闆堅持用最好的天然食材，不用味精，不用肉鬆粉，口水雞要無骨，雞翼要單骨，甚至一杯凍檸茶都要沖得不苦、不澀、飲完連一點痰都無。$80 一個餐，實在慷慨。奈何一般普通食客(如：我)未必能欣賞到每個細節。有研究的食家不妨與老闆交流一吓，問吓餸菜怎樣烹調；你會發現，原來香港還有人用心做餐飲。這份熱誠，今時今日買少見少。

看門口以為普通食店沒有太大期望但一試 有驚喜食物味道好食材新鮮甜品冇假味點了咖喱魚飯 （咖哩好食）擔擔麵 (花生味重👍🏻)希望menu會常更新 ，下次有其他選擇$80套餐樣樣有，仲包飲品，性價比非常高 😊

不嬲黃竹坑食肆都唔多選擇，尤其午飯時候。雖然開咗Southside 但係D的餐廳常常爆，要等好耐。所以今日試吓走過One Island South聽聞有間新餐廳開咗。餐廳入到去感覺自如。由於新開張午飯時間有優惠試食價，係套餐嚟嘅，包括頭盤主菜甜品送一個飲品。 最終選擇了他們的擔擔麵，對於我一個唔係常常食辣嘢的人我覺得他的擔擔麵很容易入口亦不至於辣到不能食。 而且有很香濃的花生味，好好食。前菜配個雲耳感覺剛剛好，可以中和起嚟。甜品第一次食食火龍果凍糕，又幾得意。加埋杯薏米水，簡直係夏日之選。以佢哋嘅收費，我覺得這個餐，絕對比商場裏面的其他店舖更優惠。原來 Southside,行去One Island South喺1 樓都有條電梯去到地面，再過馬路原來係好近嘅。一定會返嚟再試其他食品，（好似最少仲有7、8款主菜可以揀）。而且店內的店員亦很用心去詢問意見，睇吓有咩可以改進。我覺得這個小店值得支持，點都好過俾人喺餐廳午飯時候要催還枱。