Video
Read full review
2015-09-27
642 views
啦! 自問真係好怕肥, 尤其對甜品嚟講, 真係最好避之側吉... 不過, 隊長講咗好多次話嚟試, 話d friend個個都讚, 哎.... 咁算啦, 既然shopping 到攰攰地, 又想搵個地方嚟tea 吓, 咁就即管試吓隊長嘅極力推介啦!一係唔食, 一食梗係食最好ga la! 先嚟試鎮店之寶啦, 先食咗一啖雪糕, 頂! 真係有無咁好味呀, d雪糕滑到呀!! .... 真係唔識形容por! 好似去咗日本食抺茶雪糕咁, 比起我同亞仔上次响沙田城市廣場偷食個間仲好味好多Tim ! 離晒譜! 咁好味, 早就應該脅持我哋嚟啦! 班友仔見我食到lam lam脷, 問都唔問, 隊隻spoon嚟話要試吓喎! 喂.... 咪亂嚟呀, 呢碟嘢我ga! 隊長夫人嘅心太軟切一刀咋, d抺茶香味撲埋嚟, 今次我都老實唔客氣, 咪隊返佢一舊嚟試, 嘩! 超香超濃嘅抺茶味, 不過我始終都係鍾意食我個碟, 無咁溜!隊長個碗小米家族都好足料, 不過我唔想食佢口水尾, 所以無試, 但隊長一直豎起手指公, 大讚!我家豬仔都不咁示弱，要了一碟熱帶風情，我偷了佢一舊芒果，好甜喎！最驚個d芒果未熟，酸到盲婆都開眼個d生果！
啦! 自問真係好怕肥, 尤其對甜品嚟講, 真係最好避之側吉... 不過, 隊長講咗好多次話嚟試, 話d friend個個都讚, 哎.... 咁算啦, 既然shopping 到攰攰地, 又想搵個地方嚟tea 吓, 咁就即管試吓隊長嘅極力推介啦!
一係唔食, 一食梗係食最好ga la! 先嚟試鎮店之寶啦, 先食咗一啖雪糕, 頂! 真係有無咁好味呀, d雪糕滑到呀!! .... 真係唔識形容por! 好似去咗日本食抺茶雪糕咁, 比起我同亞仔上次响沙田城市廣場偷食個間仲好味好多Tim ! 離晒譜! 咁好味, 早就應該脅持我哋嚟啦!
班友仔見我食到lam lam脷, 問都唔問, 隊隻spoon嚟話要試吓喎! 喂.... 咪亂嚟呀, 呢碟嘢我ga! 隊長夫人嘅心太軟切一刀咋, d抺茶香味撲埋嚟, 今次我都老實唔客氣, 咪隊返佢一舊嚟試, 嘩! 超香超濃嘅抺茶味, 不過我始終都係鍾意食我個碟, 無咁溜!
隊長個碗小米家族都好足料, 不過我唔想食佢口水尾, 所以無試, 但隊長一直豎起手指公, 大讚!
我家豬仔都不咁示弱，要了一碟熱帶風情，我偷了佢一舊芒果，好甜喎！最驚個d芒果未熟，酸到盲婆都開眼個d生果！ 老闆果然識揀生果！
大家一齊食埋芒果牛奶列日窩夫，都好好味，但一個人食可能會有d濟，成班人食，就啱啱好！個窩夫口感確實唔錯，表面脆脆地，裡面林林地又有咬感，正！
亞妹個個芒果天使都唔錯，都係個句，老闆好識揀芒果！
唔好講咁多, 問吓間嘢有無得打包先, 買返去孝敬吓老媽子都好！ 點知埋嚟個個原來係老闆喎！ 八掛嘅我梗係捉住佢嚟問，究竟佢d雪糕响邊樹嚟咁好味, 原來佢話响機緣考合下, 認識了一個日本代理商, 取得日本山政小山園的抺茶粉, 加自已多年的心得及調教下, 做出多款美味的甜品, 怪不得個抺茶味咁濃咁香啦! 以後我哋食宵，就唔駛成日凈係識揸架車出深水埗食啦, 原來大窩口呢到都有間！閒日開到晚上12:30， weekend開到子時1點，正！
Post
