Video
Read full review
2019-08-19
45 views
位於火炭工業區嘅drink氣鍋裝修其實幾特別佢地個門面同入面嘅裝修俾人感覺以為係一間coffee shop，真係憑佢外型係估唔到原來係食海鮮蒸氣鍋餐廳原來仲有得包場同埋唱K，啱哂一班人包場唱K。不過餐廳座位唔多，建議先向餐廳訂位。餐廳提供好多唔同嘅新鮮食材，視乎來貨同時令而定。今晚我哋叫咗$588個套餐都有好多嘢食，仲要樣樣都啱哂我胃口套餐包括有前菜、十六穀粥、斑件、扇貝、鮑魚、北極貝拼蕃薯貝、五花腩、牛肩胛拼露筍、新鮮雞同龍蝦前菜 - 「手工皮蛋」。皮蛋甘香配合蕃茄仔酸酸甜甜確實係幾開胃。第一道係有機花生芽蒸海斑件。花生芽營養價值好高，具有抗衰老作用，口感爽脆，比起芽菜少一份青澀味。另外伴碟仲有紫色椰菜花都係幾特別，從來未見過紫色嘅椰菜花，佢比普通椰菜花多咗一份鮮生味。斑件肉質嫩滑新鮮，剛好選用咗無骨嘅部位，抵讚。蒸北極貝拼蕃薯貝 - 隻隻都好新鮮，一粒沙都無。貝肉好鮮甜多汁，真係未試過咁大舊貝肉。蒸青花龍蝦 - 龍蝦膏頗多，肉質彈牙爽口。孔雀鮑魚，另外單點鮮拆蟹肉手工玫瑰花生豆腐。鮑魚蒸得剛剛好，無變到擦紙膠之餘仲好好食。海鮮果然只要新鮮嗁話，唔洗加任何調味料都咁好食。而花生豆腐都
佢地個門面同入面嘅裝修俾人感覺以為係一間coffee shop，真係憑佢外型係估唔到原來係食海鮮蒸氣鍋
餐廳原來仲有得包場同埋唱K，啱哂一班人包場唱K。
不過餐廳座位唔多，建議先向餐廳訂位。
餐廳提供好多唔同嘅新鮮食材，視乎來貨同時令而定。
今晚我哋叫咗$588個套餐都有好多嘢食，仲要樣樣都啱哂我胃口
套餐包括有前菜、十六穀粥、斑件、扇貝、鮑魚、北極貝拼蕃薯貝、五花腩、牛肩胛拼露筍、新鮮雞同龍蝦
前菜 - 「手工皮蛋」。皮蛋甘香配合蕃茄仔酸酸甜甜確實係幾開胃。
第一道係有機花生芽蒸海斑件。花生芽營養價值好高，具有抗衰老作用，口感爽脆，比起芽菜少一份青澀味。另外伴碟仲有紫色椰菜花都係幾特別，從來未見過紫色嘅椰菜花，佢比普通椰菜花多咗一份鮮生味。
斑件肉質嫩滑新鮮，剛好選用咗無骨嘅部位，抵讚。
蒸北極貝拼蕃薯貝 - 隻隻都好新鮮，一粒沙都無。貝肉好鮮甜多汁，真係未試過咁大舊貝肉。
蒸青花龍蝦 - 龍蝦膏頗多，肉質彈牙爽口。
孔雀鮑魚，另外單點鮮拆蟹肉手工玫瑰花生豆腐。
鮑魚蒸得剛剛好，無變到擦紙膠之餘仲好好食。海鮮果然只要新鮮嗁話，唔洗加任何調味料都咁好食。
而花生豆腐都幾特別，質地綿實，唔似平時嘅豆腐咁容易散開。
顏色係淺灰藍，原因係加入咗蝶豆花。外型整得好靚，真係呃Like之選
口感如豆腐般滑嫩，但又帶有花生香氣，花蕊有滿滿嘅蟹肉蟹膏，又幾鮮味。
而套餐個粥底係花膠姬松茸杞子黑豚十六穀粥，侍應幫我哋煮嘅時候見佢無加水，原來係靠上層蒸海鮮嘅精華汁溪液去煮粥底。
總括餐廳係幾有心思，一般餐廳都好忽略伴碟蔬菜呢一環，估唔到呢度會咁用心去搵多種唔同而又特別嘅蔬菜。
而主打嘅海鮮每一道都非常新鮮好食，處理海鮮手法都好令人滿意。
下一次要同班同學仔黎包場支持下先！
Post
