富記大排檔

Open Now

Now Closed

男朋友約了他的朋友吃飯，話帶埋我去。收工男朋友車我去大圍富記。駕車來都好方便呀，附近有好多空缺既車位。友人點了粟米魚肚羹、種運雞、薑蔥炒蟹同避風塘茄子，加上砵仔飯。首先來到係栗米魚肚羹，用勁大碗裝住，覺得好好抵得，入面有魚肚、粟米等，好足料。跟住來到砵仔飯，原來砵仔飯係蒸，加上豬油鼓油撈一撈，哇！好好吃，每一口飯都唔捨得吞下。之後，上左個種運雞，有個架晾住隻雞，好搞笑呀，隻雞係炸過，皮脆雞滑，仲提供方便手套比我地，可以用手吃。接著薑蔥炒蟹材料新鮮，肉多。最後到個避風塘茄子，炸過既茄子，我覺得太油膩，吃唔落。