樂酒場 がくさかば

今次喺尖沙咀食日本餐，真係一個好開心嘅經歷！一入到餐廳，就感受到濃厚嘅日式氛圍，木質裝潢同柔和霓虹燈既燈光令人覺得好舒服。好似去左居酒屋咁，服務員都好友善～ 我地叫左吉列三文魚定食。三文魚炸到金黃酥脆，咬落去時，肉質鮮嫩，完全唔油膩。配上味噌湯，湯頭清淡又有味，啖啖入心，沙律又清新，正好中和咗吉列嘅油膩感。再加埋一隻溫泉蛋，蛋黃流心，真係一口咬落去，味道好正！之後，我地仲叫咗迷の刀五離刺身盛合。刺身嘅新鮮程度真係令人驚喜，每一片魚肉都切得好厚，口感滑溜，特別係鮪魚同海膽，簡直好食到唔想停口。呢個盛合真係值得一試～ 我仲叫咗雞皮餃子，煎得金黃，咬落去好香脆，餃子入面嘅肉餡鮮嫩，配上少少醬油，味道更加升華。接住我又叫咗吉列童星蝦，呢個真係帶返我回憶，唔單止味道好，仲有啲情懷喺入面，食到真係有種懷舊嘅感覺。清酒煮白蛤鍋係我今日最期待嘅一道菜。白蛤嘅鮮味同清酒嘅香氣交融，味道好濃郁，每一口都令人陶醉。我地仲叫左日式甜醬牛肉鍋，牛肉嫩滑，醬汁入味，真係食到好滿足。鍋底嘅湯水又濃又香，飲完好暖胃～ 最後，我地飲咗自家製蜂膠檸檬燒酌，味道清新，啱啱好中和咗重口味嘅食物。仲有熱柚子茶，暖暖地好舒服～