泰邊爐 (Closed)

冬天真係忍唔住不停去打邊爐，今晚試新野，食泰式打邊爐湯底揀左鴛鴦湯底冬蔭公小辣加椰子雞，冬蔭公好足料，一黎到已經可以當湯飲，用黎做火鍋湯底真係第一次，基本上都唔駛另外沾醬汁，火鍋料已經好入味椰子雞好香濃椰子味，但可能冬蔭公嗰邊比較濃味，所以食嘅時候有少少蓋過左椰子嘅香味！另外加錢叫左餐前小食泰式鳳爪($28)，食剩兩三隻先記得影相，原本大概有七八隻，味道酸酸辣辣，餐前醒胃一流然後到火鍋，首先係巨型嘅海鮮拼盤有蝦、蜆、蠔、貝類、魚、帶子等等，最好食係蝦同埋蠔，蝦夠大隻又爽口，放喺冬蔭公湯底嗰邊煮就啱晒，蠔就放椰子雞嗰邊，清清地可以食到蠔嘅鮮味！火鍋配料方面大部分都係免費追加，我地加錢叫左碟手切牛肩肉($68)，牛味夠又夠腍，讚！其他配料方面我地都試左好多款，比較好味有排骨粒，平時算少見，煮起上黎吸晒啲冬蔭公味，出奇地好食仲有一啲泰式嘅火鍋料，例如扎肉、泰式丸、泰式辣肉片，第一次用火鍋形式食，幾特別最驚喜係寬河粉，原本一片煮完會捲埋變左一條，加埋湯底就好似食緊泰式湯河咁！飲品有雪櫃任飲，都算多選擇仲有韓式飲品，另外可以加錢($18)飲泰式奶茶、椰汁冰、青檸梳打等等特色飲品！飲品櫃隔離仲有啲