Video
Read full review
2019-07-13
1444 views
黎到happy friday想係石門哩頭尋找新意思，係京瑞商場地下唔太起眼嘅位置見到呢間好chill嘅餐廳。初頭經過店面望落成間酒吧咁，但門口餐牌寫住有魚生飯食，都幾confused原來餐廳係行西日fusion路線，難怪西式酒吧外型但內裡又有sake同壽司嘅裝飾，好鬼馬同埋睇得出餐廳老細好貼地，玻璃都痴滿大大小小嘅poster。星期五最岩chill下午餐選擇唔算多，簡單分開日式同西式menu。由於未試過喺酒吧食日本菜，今次我就叫咗角切魚生飯，黎個西日交融無論西餐定日菜都附送餐湯，日式就有麵豉湯西餐就跟忌廉蘑菇湯，都幾大碗，味道唔錯麵豉湯唔會太咸。呢個就係角切魚生飯一上枱嘅賣相...講真睇落好似未完成嘅製成品，零零碎碎嘅魚生散落四周，而唔係堆砌好，唔多吸引，感覺有啲馬虎不過魚生望落就幾新鮮大大嚿，三文魚嘅條文清晰肥美，仲食到腩位添。食落味道原來好好，不能忽略壽司飯底調校嘅醋味適中，好開胃。魚生新鮮甜美無臭味。食食下發現魚生底遮住咗啲壽司薑、酸黃瓜等，都幾多料。而最令我好奇嘅係呢啲粉紅色粉末，甜甜地，撈埋啲壽司飯一齊食出奇地好夾，原諒小妹見識少，都係第一次食呢啲粉末，唔知係咩來頭不過的確有
初頭經過店面望落成間酒吧咁，但門口餐牌寫住有魚生飯食，都幾confused原來餐廳係行西日fusion路線，難怪西式酒吧外型但內裡又有sake同壽司嘅裝飾，好鬼馬
同埋睇得出餐廳老細好貼地，玻璃都痴滿大大小小嘅poster。
星期五最岩chill下
午餐選擇唔算多，簡單分開日式同西式menu。
由於未試過喺酒吧食日本菜，今次我就叫咗角切魚生飯，黎個西日交融
無論西餐定日菜都附送餐湯，日式就有麵豉湯西餐就跟忌廉蘑菇湯，都幾大碗，味道唔錯麵豉湯唔會太咸。
角切魚生丼
63 views
0 likes
0 comments
呢個就係角切魚生飯一上枱嘅賣相...
講真睇落好似未完成嘅製成品，零零碎碎嘅魚生散落四周，而唔係堆砌好，唔多吸引，感覺有啲馬虎
不過魚生望落就幾新鮮大大嚿，三文魚嘅條文清晰肥美，仲食到腩位添。
食落味道原來好好，不能忽略壽司飯底調校嘅醋味適中，好開胃。魚生新鮮甜美無臭味。
食食下發現魚生底遮住咗啲壽司薑、酸黃瓜等，都幾多料。而最令我好奇嘅係呢啲粉紅色粉末，甜甜地，撈埋啲壽司飯一齊食出奇地好夾，原諒小妹見識少，都係第一次食呢啲粉末，唔知係咩來頭不過的確有錦上添花嘅作用，好味
另附上呢度嘅西餐照俾大家作參考，份量偏少。總括而言食物質素頗高，菜式有創意，可以感受到濃厚嘅西日氣氛，係唯獨個魚生飯賣相有啲求其，整體不俗
Post
