囍碟 (Closed)

利東街重建左之前多左好多食店, 囍碟就係其中一間, 望外面以為係一間bar, 但原來樓上仲有一層, 係食馬來西亞fusion菜, 見個menu幾吸引所以試下~ 餐廳裝修幾有特色, 除左食野仲有得飲酒~ 野食方面係fusion菜, 價錢唔平, 點左3樣野食, 分別係巴東牛肉芝士批, 蟹黃醬爆芝士蝦丸同埋乾咖哩蟹肉炒飯~先上巴東牛肉芝士批, 個托比想像中細, 用鐵板上, 批底係酥皮底, 幾香口鬆化, 上面既巴東牛肉煮得夠林好入味, 味道係幾好食不過芝士唔突出~之後呢蟹黃醬爆芝士蝦丸賣相好令, 旁邊仲有塊牌寫住"warning explosive" 提醒客人小心爆醬, 係幾體貼既~ 蝦丸上面有芝士汁, 一咬開見到裡面有好多蟹黃, 蟹黃醬好香好濃, 加埋個蝦丸夠彈牙, 個個小食係好味道既, 不過$128真係幾貴, 本身expect有多幾粒~~最後叫左個乾咖哩蟹肉炒飯, 呢個炒飯相對抵食d, 好大盆, 而且蟹肉都多, 不過味道就普通, 咖哩味唔夠香, 炒飯乾身微辣, 好一般純粹for飽肚XD 整體呢度既野食係幾特別, 質素亦唔錯但價錢偏貴~