Video
Read full review
2022-05-15
147 views
終於開返晚市堂食，好多野食其實都係餐廳食先有佢既原味，無論賣相擺盤定熱度味道都係。今日簡簡單單同屋企人出街食個晚餐，諗起好耐無食脆卜卜熱辣辣既小食，仲有滴滴下既越南咖啡，於是就揀左間食越南菜既。餐廳名叫「越男仔」，除左因為老闆係一個做越南菜既男仔之外（當時開店係男仔，而家十年過去都變成男人啦），亦都希望好似「譚仔」咁打響一個屬於香港人既招牌，諗起越南菜就會諗起「越男仔」呢種親民既感覺。又真係wor，我今晚就係想食越南野，就諗起附近有呢間。另外個「男」字拆開係「有田有力」，希望用唔同既食材努力研發多d菜式比大家試。所以餐廳裝修都幾有玩味，用好似香港路牌既字體寫左d港式搞笑真言。又不乏越南風既竹帽，仲有越南殖民地時期既馬賽克瓷磚，fusion得幾特別。唔知有冇人同我一樣，食越南泰國野都鍾意叫返杯龍眼冰？食炸野辣野要襯返返杯凍既甜野，但椰汁果d又怕肥同埋會越飲越渴，龍眼果種清甜就岩哂。呢度果杯因為係加埋花蜜同茶，唔好見佢咁深色，唔係死甜既，仲有好多龍眼肉落雨濕濕，屋企人就想點返杯熱野。越南咖啡非常signature，真係上枱係你面前慢慢滴咖啡渣聞落去好香，滴完用匙羹將咖啡同鍊奶層攪勻，個比例
餐廳名叫「越男仔」，除左因為老闆係一個做越南菜既男仔之外（當時開店係男仔，而家十年過去都變成男人啦），亦都希望好似「譚仔」咁打響一個屬於香港人既招牌，諗起越南菜就會諗起「越男仔」呢種親民既感覺。又真係wor，我今晚就係想食越南野，就諗起附近有呢間。另外個「男」字拆開係「有田有力」，希望用唔同既食材努力研發多d菜式比大家試。
所以餐廳裝修都幾有玩味，用好似香港路牌既字體寫左d港式搞笑真言。又不乏越南風既竹帽，仲有越南殖民地時期既馬賽克瓷磚，fusion得幾特別。
唔知有冇人同我一樣，食越南泰國野都鍾意叫返杯龍眼冰？食炸野辣野要襯返返杯凍既甜野，但椰汁果d又怕肥同埋會越飲越渴，龍眼果種清甜就岩哂。呢度果杯因為係加埋花蜜同茶，唔好見佢咁深色，唔係死甜既，仲有好多龍眼肉
龍眼花蜜茶
$35
23 views
0 likes
0 comments
落雨濕濕，屋企人就想點返杯熱野。越南咖啡非常signature，真係上枱係你面前慢慢滴
越式咖啡
$28
6 views
0 likes
0 comments
咖啡渣聞落去好香，滴完用匙羹將咖啡同鍊奶層攪勻，個比例岩岩好，甜得黎又提昇到咖啡既甘香，更濃滑香醇，好飲
越式咖啡
$28
25 views
0 likes
0 comments
芝士蝦多士係呢度嘅名物，用左越式蝦餅加入港式既蝦多士既殼，所以係非常足料彈牙既蝦膠，入面包埋流心既芝士真係超邪惡 外面滿滿既白芝麻鋪係薄薄既脆多士，比傳統港式茶餐廳嘅蝦多士減少澱粉質，變相有更多蝦、更真材實料。
法式芝心蝦多士
$69
22 views
0 likes
0 comments
番茄湯酸酸地比較開胃，配全豬既配料就會覺得無咁膩。四寶分別係香茅豬扒、扎肉、豬頸肉條、炸豬肉絲，各有唔同口感。香茅豬扒最為驚豔，香茅醃料非常入味，就算真係蕃茄入面都唔會搶咗個味。
胡志明市紅番茄四寶湯檬粉
$98
4 views
0 likes
0 comments
檬粉即使浸係湯入面耐左都唔會變得太腍，仲有爽而分明既口感，仲因為吸左番茄湯而變得惹味。
胡志明市紅番茄四寶湯檬粉
$98
7 views
0 likes
0 comments
椰汁酸湯係呢度另一個招牌，都係出面搵唔到嘅味道。湯頭鹹鹹酸酸好惹味，加少少椰汁香而不膩。成鑊用火鍋連爐火上，涼涼地既晚上食就最好不過。
椰汁酸湯浸滑雞拼大蝦粉絲煲
$148
3 views
0 likes
0 comments
鑊仔菜仲會跟個飯或者豬仔包，豬仔包比想像中大個，烘至熱脆先上碟，浸落湯果度食都唔會太腍，吸湯一流
2 views
0 likes
0 comments
雞扒夠哂腍但唔算油，吸左椰汁既味道好夾 大蝦爽又大隻，仲好貼心咁用火槍稍微烤到帶少少焦，香氣四溢
椰汁酸湯浸滑雞拼大蝦粉絲煲
$148
6 views
0 likes
0 comments
餐廳而家做緊好多優惠，除左外賣有$1海南雞外，堂食就有飲品第二杯半價、精選菜式特價。我哋三人嗌左兩個主食一個小食，加埋嘢飲已經非常足夠，絕對係抵食之選。
2 views
0 likes
0 comments
Post
