Video
Read full review
2009-11-14
112 views
(有相) 好唔好食又睇落去 300 回: 300年歷史天皇級稻庭烏冬@圓方!http://hk.myblog.yahoo.com/goodboy_philip/article?mid=38351好唔好食又睇落去終於去到第 300 回! 咁0岩呢一篇既食店真係有 300年既歷史! 仲要係天皇級既稻庭烏冬! 名氣響! 雷聲大! "七代佐藤養助烏冬", 曾經只有天皇及皇室成員才有資格品嘗。身份尊貴, 製麵過程全人手製作, 咁好唔好食? 又睇落去?地址: 尖沙咀柯士甸道西1號九龍站圓方2002號鋪打開 Menu, 中日英對照, 以日文為主!烏冬三重奏: 有月見汁,合鴨汁,山芋汁三種! 配上以薄軟而扁見稱既稻庭會有洋化學作用呢?冷食烏冬連醬汁浸0係同一個碗內, 先由蛋開始! 半熟蛋白令本來非常幼滑既烏冬更細緻, 本身我唔太好烏冬, 食過呢一口不得不講句好得! 切到本地河粉咁幼, 但係麵質綿密! 難怪可以以 "稻庭" 之名開店! 合鴨汁同山芋汁, 前者味道較濃, 有點似"燒鵝"味! hehe...而另一個 classic 既麻醬0係三味比較之下, 變得平平無奇!食完個三食冷烏冬熱身後, 食個安格斯
http://hk.myblog.yahoo.com/goodboy_philip/article?mid=38351
好唔好食又睇落去終於去到第 300 回! 咁0岩呢一篇既食店真係有 300年既歷史! 仲要係天皇級既稻庭烏冬! 名氣響! 雷聲大! "七代佐藤養助烏冬", 曾經只有天皇及皇室成員才有資格品嘗。身份尊貴, 製麵過程全人手製作, 咁好唔好食? 又睇落去?
地址: 尖沙咀柯士甸道西1號九龍站圓方2002號鋪
打開 Menu, 中日英對照, 以日文為主!
烏冬三重奏: 有月見汁,合鴨汁,山芋汁三種! 配上以薄軟而扁見稱既稻庭會有洋化學作用呢?
冷食烏冬連醬汁浸0係同一個碗內, 先由蛋開始! 半熟蛋白令本來非常幼滑既烏冬更細緻, 本身我唔太好烏冬, 食過呢一口不得不講句好得! 切到本地河粉咁幼, 但係麵質綿密! 難怪可以以 "稻庭" 之名開店! 合鴨汁同山芋汁, 前者味道較濃, 有點似"燒鵝"味! hehe...而另一個 classic 既麻醬0係三味比較之下, 變得平平無奇!
食完個三食冷烏冬熱身後, 食個安格斯牛 sukiyaki!
想食更好既牛嘛? 可以 order 佐賀牛吧! 價錢 $420。
鍋物配菜一點也不賴!
d 牛去左邊? 食哂落肚啦! wakaka...
鹽燒喜靈魚: 生食喜靈魚壽司我都仲頂得住; 熟希靈魚你放過我吧...
露荀豚肉卷: 哇! 刀法如神, 切得好薄透底! 我就鍾意有肉地既豚肉多 d 啊!
北海道豆乳鍋配赤豚西冷, 免治雞肉,三文魚,大蛤
個豆乳湯好香好清甜, 個湯底除左烚野食之外, 愛黎飲都一流! 試下落埋烏冬?
淨食冷稻庭烏冬吸埋最後既豆乳精華同埋 sukiyaki d 甜汁...
無論係一開始既涷食烏冬一或熱食烏冬, 都令人好滿足! 唯一就係............太少喇! wakaka...
環境: 3.5 (燈火光猛, 環境舒適。)
衛生: 4 (非常新淨!)
服務: 3.5 (上 sukiyaki 同豆乳鍋都有侍應幫你煮)
味道: 3.5 (烏冬真係值得食; 其他就未有特別驚喜!)
價錢: 2.5 (想食飽, around $700)
最終評分: 3.5 食完佐藤養助既稻庭烏冬, 本來覺得稻庭烏冬既口感不及讚岐烏冬, 只係因為未食過好味既稻庭烏冬呢...希望下次食到更好味既讚岐烏冬, "打番低"稻庭烏冬?! hehe...講到尾, 最緊要食好野! 好唔好食又睇落去第三百回完!
稻庭烏冬,稻庭,圓方,佐藤養助,烏冬,elements,好孩子,食評,日本,東京,上戶彩,上戸彩,好唔好食
Post
