生昌潮州海鮮酒家

Open Now

Now Closed

聽聞大圍呢間打冷好出名，今日有幸黎會一會。一入去都幾開心，淋郎滿目擺滿唔同既菜式，咁先飲打冷，生熟既野佢分開左兩邊，擺得好乾淨衛生，仲好吸引，特別條烏頭，勁大條好似好好味咁。呢度仲有比較少見既獅蚶，我都係第一次食，鮮紅色既汁，半生狀態唔係人人接受到，但配埋個汁真係幾鮮味，仲叫左個鳳梨蝦，啲鳳梨仲好食過隻蝦，啲蝦好大隻又爽脆，仲有胡椒豬肚湯，呢個唔夠胡椒，唔夠熱，冬天食應該正啲。個鹽焗烏頭真係好正，原條上碟，上枱時侍應一手打開層皮，條魚仲好熱，新鮮魚簡單鹽焗就好好味，仲掛住元朗烏頭呢個牌，淨買呢條魚都唔平啦，非常值呀！