鴻哥小廚

Open Now

Now Closed

我同朋友都鍾意食乾炒牛河，鍾意那份看似簡單卻要炒得均勻香口確實幾難得。所以一約呢位朋友去食飯見到有乾炒牛河都會叫嚟食，今次去到呢間餐廳都唔例外 ，品嚐下大廚嘅手勢先。陳皮乾炒牛河之前未食過用陳皮炒嘅牛河，說是陳皮，但又沒半塊，不過食落有陣陣陳皮香，真係神奇之處，整體碟牛河炒得香口，而且河粉色澤炒得均勻，豉油平均佈滿每條河粉，而且最大驚喜是用鮮牛肉炒，未路同凍肉係唔同啲嘅，肉嫩有咬口，不錯。我同朋友對內臟來者不拒，視為美食之一，所以今次約埋一齊見到有鵝腸就叫嚟食。豉油皇鵝腸 肥美的鵝腸夠曬爽口，鵝腸不能夠太熟， 因為會縮得很細條，除了鵝腸之外，更有彊葱、 芫茜 ，仲有墊底嘅芽菜，不錯。香煎蓮藕餅順德出名魚米之鄉，當中的藕餅鮮甜美味及彈牙。當服務員遞上蓮藕餅的時候，見到藕餅煎得金黄很吸引，藕餅夠厚身，蓮藕碎、 鯪魚肉、馬蹄、豬肉， 口感豐富 ，沒有黏黏的厚粉，爽脆中帶肉香。餐廳環境地道大眾化， 侍應都好隨和，見佢熱情招待其他食客仲有講有笑，就知係一啲熟客， 而且食物有鑊氣，下次再約呢位朋友嚟食牛河同鵝腸。