多多車仔麵

Open Now

Now Closed

又一間大埔既良心食店，老闆娘好友善☺️，主動同食客傾計，令我覺得除左食物既美味，仲多左一種人情味。三餸一麵 $40+$3 (甜酸齋•聰明哥豬扒•豬腩肉•米粉)湯底我揀左沙嗲汁同四川辣汁，唔好睇落顏色咁普通，食落又幾重口味，沙嗲辣味都好香濃，配上米粉非常掛湯🍜，但又唔會食到口渴。甜酸齋一分為二，方便入口，正常發揮。聰明哥豬扒🥩醃得相當入味，外皮炸到黃金香脆，豬扒保持到肉質鬆軟得黎仲有絲絲肉感，唔係外間常見既鬆肉味。而豬腩肉🐷都好淋，食落唔會好膩。枱面除左辣椒油🌶，亦有店家自製辣菜莆，配上粉麵食都好惹味。我都無諗過食車仔麵可以咁飽，好滿足😊。