Video
Read full review
2013-12-26
1006 views
去年既米芝蓮2013香港澳門指南推出時，好多人都驚訝位於佐敦既一間小店係入選左米芝蓮既推介！驚訝原因唔係因為食過覺得唔好食，而係其實本來好多人都未聽過或者唔知有呢間小店既存在。但係，好食既店鋪，無論開喺邊一區同埋邊條橫街窄巷都會有知音人知道既。我想去試呢間小店都想左成一年幾，但係一直都未有機會，主要原因係覺得太遠同埋無去探究呢間店鋪實在既位置喺邊度。大約半年前，有一次搭的士咁岩望出去就突然見到呢間小店，都幾有緣，當時先知道確實位置喺邊度，不過始終都未有計劃去。直到上星期，同朋友特意去到油麻地某間懷舊冰室想試下出名既食物同埋感受一下懷舊既氣息，誰不知，嗰間冰室無開到，再一次了解甚麼是緣份，於是就決定轉地方，去到呢間小店<有緣小敍>。<有緣小敍>主打西安菜，喺香港可以差唔多話係絕無僅有！小店主要由兩夫妻經營，輪流製造食物同招呼客人，所以服務方面其實都係自己顧自己啦，不過佢地都會向客人講解食物既特色同教客人應該點樣食，亦見到佢地會問客人意見，睇下有冇咩改善地方，可見店主對食物既執著。食店環境唔大，都係得一張大枱同橫邊既長枱，滿座時大約可容納十個人。店內食物價錢
<有緣小敍>主打西安菜，喺香港可以差唔多話係絕無僅有！小店主要由兩夫妻經營，輪流製造食物同招呼客人，所以服務方面其實都係自己顧自己啦，不過佢地都會向客人講解食物既特色同教客人應該點樣食，亦見到佢地會問客人意見，睇下有冇咩改善地方，可見店主對食物既執著。食店環境唔大，都係得一張大枱同橫邊既長枱，滿座時大約可容納十個人。店內食物價錢大眾化，主要都只係十數元至四十多元。牆上貼滿了不少報章介紹。
講到全間店鋪最出名既食物，一定不得不提Biang Biang 麵！相信如果唔係有英文拼音，全港識讀呢個中文字既人可能不出五十個呢 。Biang Biang 麵
既然係最出名既食物，當然要試下Biang Biang 麵啦！Biang Biang 麵其實係一條既寬闊亦好長，兼且係一條過既白色麵條。有啲似意大利既Lasagna，本身Biang Biang 麵只係得麵粉既味道，但加上店鋪既秘製辣油、香蒜、蔥粒、紫菜、芽菜等撈埋一齊之後，非常惹味！ 麵條本身做得亦都係好，幼滑得嚟非常之彈牙！雖然整體撈埋一齊之後有少許鹹味，但亦唔會影響到呢碗Biang Biang 麵係有幾高水準既事實。本身想試埋茴香餃同羊肉餃，但最後都係決定食肉，所以叫左金沙骨。金沙骨肉質鬆軟，都唔錯。我最喜歡一啲用心製作既小店，起碼唔似大部分連鎖集團只顧住利益而唔理食物質素，食物用心製作，客人係會睇到亦嚐到，最後會一傳十、十傳百咁傳開去，令更多人留意到。香港真係有唔少只顧利益既餐廳，所以見到而家仲有啲用心既小店，我會繼續支持。
Other Info. :
世間離合太多，問世間緣份是何物？有緣未必代表有份，有份亦未必代表有緣。當世上好多人和事都係捉不緊，拿不穩既時候，緣一到，就要盡力把握。因緣際會來到有緣小敍，緣份令我可以一試呢間餐廳，帶多左一間可以入我favourite list 既餐廳，很感謝緣份。至於何時才會在生命中遇到有緣人而且能夠小敍片刻？不能強求，唯有等待下一次既緣份到來啦。
(The above review is the personal opinion of a user which does not represent OpenRice's point of view.)
Post
