糧友パン工房 (Closed)

菠蘿包冇菠蘿，當然蜜瓜包都係冇蜜瓜架啦！不過今次蜜瓜包有蜜瓜醬，你又滿唔滿意先？糧友パン工房 今次新推出咗個期間限定嘅蜜瓜包，雖然冇蜜瓜但係都有蜜瓜醬，而且蜜瓜醬嘅份量亦都唔少，基本上每咬一啖都可以食到蜜瓜醬。另外仲有超級濃郁嘅蜜瓜味添！就小編個人而言成個包嘅甜度做得恰到好處。另外佢麵包上面有一層呈淡綠色嘅脆面喺度，雖然就唔係話好脆但佢有啲甜甜地，加係麵包上面就好似冇咁單調，口感又會豐富啲外表又會美觀啲。