Video
Read full review
2017-10-28
127 views
同朋友係旺角行下，openrice search 到Eat me bar幾近，就決定黎試下。餐廳嘅裝修感覺好舒服，好鍾意佢五顏六色嘅凳同木枱。中間仲有個screen 一直播mv, 聽住歌睇住mv 食野都幾開心因為我同一位朋友得兩個人，店員就安排左我地坐窗邊位，唔洗搭枱。本身覺得個位好偏，但後尾發覺坐窗邊好正，因為靜靜地而且可以望到街景，好啱兩個人傾密計，好有氣氛！餐牌上面第一個二人Movenpick套餐已經感覺好吸引，因為$288 已經可以食到幾樣野。首先黎左沙律同餐湯，沙律有我最愛嘅麻醬，醬汁唔會太多令菜浸得太濕，沙律菜食落爽口。餐湯有濃香嘅蘑菇味，唔係一般開水嘅罐頭湯，調味亦恰到好處。西西里一口牛燴飯食燴飯最怕係太濕，但呢個飯唔會，味道好適中，蕃茄味好香。一口牛食落口感鬆化，唔會太老太韌。竹炭黑松露芝士牛肉漢堡一黎到嗰時以為個包會好硬，點知一切落去原來塊包好鬆軟，輕鬆分開兩半！漢堡入面有芝士、蕃茄、厚厚一塊牛肉漢堡扒、沙律菜。蕃茄入面嘅汁同漢堡扒嘅肉汁令漢堡食落唔會乾身，加埋沙律菜感覺好fresh。漢堡扒真係好厚好有份量，食落唔會有雪味/鬆開一舊舊，推介！野飲方面，我地分別叫左玫瑰
餐廳嘅裝修感覺好舒服，好鍾意佢五顏六色嘅凳同木枱。中間仲有個screen 一直播mv, 聽住歌睇住mv 食野都幾開心
因為我同一位朋友得兩個人，店員就安排左我地坐窗邊位，唔洗搭枱。本身覺得個位好偏，但後尾發覺坐窗邊好正，因為靜靜地而且可以望到街景，好啱兩個人傾密計，好有氣氛！
餐牌上面第一個二人Movenpick套餐已經感覺好吸引，因為$288 已經可以食到幾樣野。
首先黎左沙律同餐湯，沙律有我最愛嘅麻醬，醬汁唔會太多令菜浸得太濕，沙律菜食落爽口。
餐湯有濃香嘅蘑菇味，唔係一般開水嘅罐頭湯，調味亦恰到好處。
西西里一口牛燴飯
食燴飯最怕係太濕，但呢個飯唔會，味道好適中，蕃茄味好香。一口牛食落口感鬆化，唔會太老太韌。
竹炭黑松露芝士牛肉漢堡
13 views
0 likes
0 comments
竹炭黑松露芝士牛肉漢堡
一黎到嗰時以為個包會好硬，點知一切落去原來塊包好鬆軟，輕鬆分開兩半！漢堡入面有芝士、蕃茄、厚厚一塊牛肉漢堡扒、沙律菜。
蕃茄入面嘅汁同漢堡扒嘅肉汁令漢堡食落唔會乾身，加埋沙律菜感覺好fresh。漢堡扒真係好厚好有份量，食落唔會有雪味/鬆開一舊舊，推介！
野飲方面，我地分別叫左玫瑰西柚梳打（左）同水龍卷（右）
玫瑰西柚梳打飲落有啲梅嘅味道，酸酸甜甜好開胃。不過我就鍾意水龍卷多啲，水龍卷係荔枝梳打配忌廉，唔止賣相靚，飲落亦唔會過甜，味道有啲似黑牛，不過係荔枝味。
最後係movenpick 雪糕，可以揀士多啤梨、雲呢拿同意大利奶凍。我地揀左意大利奶凍，movenpick 雪糕都唔洗多介紹，好味！
Post
