Video
Read full review
2017-10-14
3004 views
灣仔成日去，特意去灣仔覓食真係第一次， 好彩冇令我失望✨小編同屋企人一向鍾意食泰菜， 之前喺西貢食過一間泰國人開嘅小餐館，覺得好滿足， 所以今日專程來到新泰再食過！餐廳係樓上舖，要行一段小樓梯， 上到去被泰國風情包圍， 四周都有精緻嘅泰國擺設同裝飾， 細緻典雅， 燈光柔和， 令人放鬆心情享受美食。簡單至枱燈已花了不少心思， 令環境充滿情調， 好似去咗泰國resort咁🔆Menu 選擇多到眼花繚亂， 同屋企人揀咗陣決定嚟啲酸辣湯粉， 就叫左呢個冬陰功 海鮮金邊粉！金黃嘅湯底加上適量辣椒油在燈光下閃閃生輝， 未食已經流口水。湯底酸辣開胃，裏面十分足料， 微辣嘅湯底有十足香料， 加入了大量香茅,月桂葉,辣椒碎等等， 香味極濃，而且幾欣賞佢酸味平衡恰當， 開胃之餘唔會太酸， 掩蓋海鮮的鮮甜味。成碗粉裏面都有唔少海鮮， 有兩隻青口,幾嚿蝦仁,鮮魷魚片， 仲有啲蘑菇粒調味， 淡淡滿足。一間餐廳的功力重細節中可見一番， 冬陰公湯底固然是焦點之一，但話明係金邊粉，粉嘅質地同口感都好重要， 特別係我作為一個澱粉控， 更加有要求， 新泰嘅金邊粉唔單只爽口彈牙，咀嚼得耐啲仲有米香👍👍👍👍 讚！清曬成碗冬陰
小編同屋企人一向鍾意食泰菜， 之前喺西貢食過一間泰國人開嘅小餐館，覺得好滿足， 所以今日專程來到新泰再食過！
餐廳係樓上舖，要行一段小樓梯， 上到去被泰國風情包圍， 四周都有精緻嘅泰國擺設同裝飾， 細緻典雅， 燈光柔和， 令人放鬆心情享受美食。
簡單至枱燈已花了不少心思， 令環境充滿情調， 好似去咗泰國resort咁🔆
Menu 選擇多到眼花繚亂， 同屋企人揀咗陣決定嚟啲酸辣湯粉， 就叫左呢個冬陰功 海鮮金邊粉！
冬陰功海鮮金邊粉
$78
53 views
0 likes
0 comments
金黃嘅湯底加上適量辣椒油在燈光下閃閃生輝， 未食已經流口水。
湯底酸辣開胃，裏面十分足料， 微辣嘅湯底有十足香料， 加入了大量香茅,月桂葉,辣椒碎等等， 香味極濃，而且幾欣賞佢酸味平衡恰當， 開胃之餘唔會太酸， 掩蓋海鮮的鮮甜味。
成碗粉裏面都有唔少海鮮， 有兩隻青口,幾嚿蝦仁,鮮魷魚片， 仲有啲蘑菇粒調味， 淡淡滿足。
一間餐廳的功力重細節中可見一番， 冬陰公湯底固然是焦點之一，但話明係金邊粉，粉嘅質地同口感都好重要， 特別係我作為一個澱粉控， 更加有要求， 新泰嘅金邊粉唔單只爽口彈牙，咀嚼得耐啲仲有米香👍👍👍👍 讚！
清曬成碗冬陰功金邊粉冇難度😆
麵包焗咖哩軟殼蟹
$208
26 views
0 likes
0 comments
見好多食評推薦，一於試下！ 見到個樣已經好嘩咗聲， 金黃色的咖哩上鋪滿炸軟殼蟹， 見到都飽。
好欣賞個軟法包夠新鮮， 外皮卜卜脆， 點滿咖哩放入口香味十足， 食得出咖喱裏面除咗有多種類嘅香料外仲加入咗唔少椰汁， 食到停唔到手，最後用包點清曬啲醬😆
咖哩裏面都有唔少配菜有大量青椒絲, 洋蔥條,原隻開邊辣椒(放心只有香味不太辣)， 味道口感提升至另一層次。
臨走時屋企人已經問幾時再食😂 可見其吸引力， 下次一定要試佢啲甜品呀！
Post
