Video
Read full review
2018-01-07
706 views
是咁的~~2018嘅第一篇食評就梗係繼續支持一下d有熱誠有heart嘅小店啦~~首先祝大家日日有食神先今次同一班同事happy Friday搵地方食lunch，搵到呢間新開嘅小店就一於試一試鋪頭地點都唔難搵，店內雖然size唔大 但裝修都幾靚 成間鋪見到由兩個年青人打理 就試下啦可能因為得兩個人打理 lunch選擇並唔太多 有幾款set可以選擇 諗左好耐決定要呢個串燒set 佢個menu都睇到呢個set會有好多野食 所以啱曬我咁大胃口啦 原本諗住menu話咁多野食 可能每款得少少 點知一上枱已經俾佢嚇一嚇 嘩真係好抵上面咁大份串燒便當只係需要78蚊 仲包埋麵豉湯價錢咁抵可能你會覺得將貨就價 老實講第一下我都會咁諗 但我愈食愈發現自己係錯曬 呢個set有串燒雞翼 串燒秋葵 串燒翠肉瓜 串燒雞軟骨 串燒魚片 炸池魚仔 仲有d沙律拌菜 真係好誇張 味道方面一d都唔欺場串燒火喉控制得好好 雞翼仲特登拆左一邊骨 方便佢自己燒亦方便我地食 而且燒到皮脆又唔會燶 加少少五味粉落去燒令個味道更上一層樓燒翠肉瓜都好好食 保持到外面乾食但咬落多汁 時間拿掐得好好 雞軟骨熱辣辣食肯定唔會差（p.s.雞軟骨係
今次同一班同事happy Friday搵地方食lunch，搵到呢間新開嘅小店就一於試一試鋪頭地點都唔難搵，店內雖然size唔大 但裝修都幾靚 成間鋪見到由兩個年青人打理 就試下啦
可能因為得兩個人打理 lunch選擇並唔太多 有幾款set可以選擇 諗左好耐決定要呢個串燒set 佢個menu都睇到呢個set會有好多野食 所以啱曬我咁大胃口啦
原本諗住menu話咁多野食 可能每款得少少 點知一上枱已經俾佢嚇一嚇 嘩真係好抵上面咁大份串燒便當只係需要78蚊 仲包埋麵豉湯價錢咁抵可能你會覺得將貨就價 老實講第一下我都會咁諗 但我愈食愈發現自己係錯曬 呢個set有串燒雞翼 串燒秋葵 串燒翠肉瓜 串燒雞軟骨 串燒魚片 炸池魚仔 仲有d沙律拌菜 真係好誇張
味道方面一d都唔欺場串燒火喉控制得好好 雞翼仲特登拆左一邊骨 方便佢自己燒亦方便我地食 而且燒到皮脆又唔會燶 加少少五味粉落去燒令個味道更上一層樓燒翠肉瓜都好好食 保持到外面乾食但咬落多汁 時間拿掐得好好 雞軟骨熱辣辣食肯定唔會差（p.s.雞軟骨係真係骨黎嫁 我係唔會投訴佢冇肉）值得一提嘅係個燒魚片 有兩串 佢燒完之後加左燒汁 成件事好match好好食仲有仲有…………左上角嘅炸池魚真係熱誠之作 78嘅lunch set有咁多條池魚仔 雖然話炸野熱食一定冇死 但其實原條魚落去炸唔係想像中咁易 真為咁細d魚冇得劏 你個時間一有咩差池就會炸燶 但呢到都係炸得好好 好似d大牌檔老師父整嘅椒鹽九肚魚一東咁好食 正呀
兩位年青人好有heart 食食下仲會埋黎問d飯嘅份量會唔會太少 人地新開張吸收下意見都係好應該嘅講真 咁抵食 希望佢keep住呢個水準 繼續落去 我相信以呢間鋪嘅水平 絕對可以發光發亮！！
搵日要帶女朋友仔黎試下先 等佢知道有幾抵食
Post
