Video
Read full review
2021-08-25
70 views
近排見到大埔有新壽司舖開張，作為日本嘅忠實fans，梗係要去試吓🥳時令壽司拼盤一盤有四款，分別係金目鯛、池魚王、真鯛同埋花魚，每款兩嚿，總共八嚿，聽師博講每日嘅款式都有一啲唔同，取決於邊款海鮮新鮮啲。一介草民嘅我，其實唔太識分邊款魚打邊款魚，食之前都唔知每款嘅肉質有咩分別，但係師博好好，同我哋逐一介紹每一款嘅名同佢哋嘅特色。食落去花魚係最煙韌嘅，亦都係我最鍾意嘅一款，至於其他都比較爽口，有新鮮嘅味道。值得一提嘅係真鯛同埋花魚壽司上面都有一條細長嘅酸汁啫喱，同壽司一口咬落去有一浸清涼嘅柚子味，味道唔會太odd之餘仲突顯到魚生嘅鮮味，可以話係神來之筆。蟹子軟殼蟹卷，外冷內熱，入面軟殼蟹嘅溫度夠暖，食落去好溫暖～我畀80分！汁燒魷魚筒，魷魚不嬲係我最鍾意嘅食物之一，一場嚟到見到menu有梗係要試試佢，果然冇令我失望，燒汁同魷魚嘅配合係會令人想不停食落去。有芝麻醬嘅冷稻庭烏冬，望落去份量唔多，但係我同個fd share 都食得好飽！味道仲要唔差，$48呢個價錢真係算幾抵。厚燒玉子帆立貝刺身准山漬食完之後個fd仲話下次阿媽生日要帶佢嚟試下，睇嚟會成為大埔除咗壽司郎之外食壽司嘅代表 🤣係有良知嘅小
時令壽司拼盤一盤有四款，分別係金目鯛、池魚王、真鯛同埋花魚，每款兩嚿，總共八嚿，聽師博講每日嘅款式都有一啲唔同，取決於邊款海鮮新鮮啲。
一介草民嘅我，其實唔太識分邊款魚打邊款魚，食之前都唔知每款嘅肉質有咩分別，但係師博好好，同我哋逐一介紹每一款嘅名同佢哋嘅特色。
食落去花魚係最煙韌嘅，亦都係我最鍾意嘅一款，至於其他都比較爽口，有新鮮嘅味道。值得一提嘅係真鯛同埋花魚壽司上面都有一條細長嘅酸汁啫喱，同壽司一口咬落去有一浸清涼嘅柚子味，味道唔會太odd之餘仲突顯到魚生嘅鮮味，可以話係神來之筆。
蟹子軟殼蟹卷，外冷內熱，入面軟殼蟹嘅溫度夠暖，食落去好溫暖～我畀80分！
汁燒魷魚筒，魷魚不嬲係我最鍾意嘅食物之一，一場嚟到見到menu有梗係要試試佢，果然冇令我失望，燒汁同魷魚嘅配合係會令人想不停食落去。
有芝麻醬嘅冷稻庭烏冬，望落去份量唔多，但係我同個fd share 都食得好飽！味道仲要唔差，$48呢個價錢真係算幾抵。
厚燒玉子
帆立貝刺身
准山漬
食完之後個fd仲話下次阿媽生日要帶佢嚟試下，睇嚟會成為大埔除咗壽司郎之外食壽司嘅代表 🤣係有良知嘅小店 💛
Post
