Video
Read full review
2022-12-07
919 views
每次經過呢到都見到勁勁勁多人排隊，一直都好想試！今次天氣夠凍，我同友人都決定排埋一份😂 我地呢晚一行4人，接近6：30拎位，等左接近2小時先有枱。煲仔飯我地叫左3個，包括臘腸排骨，自選4餸，蝦膏肉片，餸其實個人覺得味道冇咩特別，肉質都好滑，不過可以自選食咩餸都幾有特色至於個飯真係好好食！上枱果陣自己加豉油同豬油焗，已經聽到個煲發岀勁吸引既“咋咋”聲！一打開蓋真係香氣撲鼻，米飯口感粒粒分明，加上香脆既飯焦，味道同層次一流！ 加埋豉油同豬油食，香氣濃郁（豬油原來咁好食，真係齒頰留香！）會令人忍唔住食好多碗飯！有飯焦同豬油既煲仔飯真係無得輸燒物叫左招牌燒通菜同燒原條茄子，燒通菜比較特別，我好似從未食過。佢有大量蒜蓉同炸蒜同馬拉盞鋪面，入口啖啖濃烈既蒜味，通菜口感十分爽脆，但食落又好多汁好惹味！。豉油王鵝腸小炒類叫左呢個，鵝腸口感超爽脆彈牙，豉油香味重，加上有大量洋蔥炒，平衡番個咸味，整體好香好食！。涼拌皮蛋個汁微辣，有大量芫茜同芝麻鋪面，令到整體香氣更有層次，超適合拌飯總結：有飯焦同豬油既好味煲仔飯真係好少見，難怪成日大排長龍，有機會會再黎食不過店舖內枱同枱間隔頗擠逼…
。煲仔飯
我地叫左3個，包括臘腸排骨，自選4餸，蝦膏肉片，餸其實個人覺得味道冇咩特別，肉質都好滑，不過可以自選食咩餸都幾有特色
至於個飯真係好好食！上枱果陣自己加豉油同豬油焗，已經聽到個煲發岀勁吸引既“咋咋”聲！一打開蓋真係香氣撲鼻，米飯口感粒粒分明，加上香脆既飯焦，味道同層次一流！ 加埋豉油同豬油食，香氣濃郁（豬油原來咁好食，真係齒頰留香！）會令人忍唔住食好多碗飯！有飯焦同豬油既煲仔飯真係無得輸
燒物叫左招牌燒通菜同燒原條茄子，燒通菜比較特別，我好似從未食過。佢有大量蒜蓉同炸蒜同馬拉盞鋪面，入口啖啖濃烈既蒜味，通菜口感十分爽脆，但食落又好多汁好惹味！
。豉油王鵝腸
小炒類叫左呢個，鵝腸口感超爽脆彈牙，豉油香味重，加上有大量洋蔥炒，平衡番個咸味，整體好香好食！
。涼拌皮蛋
個汁微辣，有大量芫茜同芝麻鋪面，令到整體香氣更有層次，超適合拌飯
總結：有飯焦同豬油既好味煲仔飯真係好少見，難怪成日大排長龍，有機會會再黎食不過店舖內枱同枱間隔頗擠逼…
Post
