蛇王二 (Closed)

加班到後得返半條命，十點先食嘢都唔想點行，坐低公司樓下既蛇王二。蛇王二以多自由行旅客排隊而出名，應該旅遊書有所介紹。波斯富街大大個招牌，入到店內，感覺得個食客都食緊唔同既嘢，邊有咁多嘢食呀？！就連燉湯都有十多款。小弟對藥膳毫無認識，隨便點了個老雞湯，拼個叉雞飯。燉湯由侍應捧上，在食客面前，打開蓋在蓋上的紙，防止水份流失。說實在有點受寵若驚，食個叉飯都有咁既服務。老雞湯打開後傳來撲鼻既藥材味，感覺很中氣。兩大件老雞肉燉得夠火喉，夠淋亦有蟲草花味道。湯水呈淺啡帶橙色，蟲草花份量亦多，入口清甘舒服，賣四十六蚊一碗價錢亦不覺得唔抵。叉雞飯份量較一般酒樓外賣多，叉燒半肥瘦認真討好，入口夠淋，肥叉位夠滑夠香，整件叉燒只有最尾有燒焦部份。切雞雞皮非常滑溜，由於師傅切了脾位，雞肉十分嫩滑。一頓燒味加燉湯盛惠八十二元，一點都不平民，但座落左銅鑼灣大街地鋪，以及以食物質素和份量衡量，偶爾一餐飲啖湯水絕不為過。