陳儀興尚潮樓 (太子道西)

Open Now

Now Closed

突然心癮起想食潮州菜。見到太子新開左陳儀興。就決定同陳儀興來一個約會。唔多潮州店會整生醃海鮮。一來衛生問題。二來好易食得出新唔新鮮。原本都1516食唔食。不過相信陳儀興有質素嘅保證。生醃膏蟹。一上枱橙黃色嘅膏勁吸睛。膏多肉厚。調味得宜唔會蓋過隻蟹本身嘅味道。蟹膏又多又幼滑。蟹肉爽口非常鮮甜。仲可以配白飯或潮州粥。勁好撈飯食。鵝三寶。餐廳選用潮州出名嘅獅頭鵝。三寶滷得入味。滷水汁香濃而不膩。食得出唔同嘅香料味。唔會死咸。鵝肉淋滑。皮下脂肪適量。有鵝香得黎唔會成口肥。鵝腸勁爽。一咬即開。鵝肝好香好滑。食完好有滿足感。二十年老菜脯燉鮮豬肚湯。第一次食老菜脯。湯口味偏甜。豬肚略嫌有少少乾。飲品叫左老藥桔。應該係醃左嘅桔加梳打水。唔會有藥味。有啲咸檸七嘅感覺。陳儀興嘅食物果然冇令人失望。價錢又適中。見到有好多手工菜都好想試。絕對值得再訪。