一．漢堡

Open Now

Now Closed

店內好多幅籃球🏀掛畫做裝飾品。脆炸乳酪雞漢堡自製蜂蜜芥末、涼拌捲心菜、番茄，脆炸嘅乳酪雞，炸得乾身唔油，乳酪味道帶點酸，配炸雞好夾。自家製沙律新鮮蔬菜爽脆加入沙律醬，食漢堡真係要食埋沙律、薯條，件事先完整嘅。黑松露芝士薯條薯條厚切炸得鬆脆，放入適量嘅芝士同黑松露，更添美味。檸檬胡椒雞翼（5隻）店主將雞翼加入左檸檬同胡椒(平常食炸雞翼比較膩)味道帶酸又有少少辣，咁食落就比較醒胃，亦冇油膩感。手打安格斯牛漢堡自製蛋黃醬、生菜、番茄、奶酪，我鐘意佢哋先將漢堡包煎一煎(有點似多士咁)一大啖食入口，安格斯牛肉嫩口有肉汁。