棋子燒鵝 (Closed)

呢個food court都有幾多野食，今日一心就想食燒味，就揀咗呢間。本身想食乳豬既，可惜去到已經冇晒。雙拼燒鵝燒腩仔瀨粉 ($58)飯或者瀨粉同價，唔想食咁滯就揀咗轉瀨粉。睇相可以見到燒腩仔同燒鵝都好靚，燒腩仔燒得好脆，不過覺得佢切薄咗小小，如果冇切咁薄口感會更加正。燒鵝就好香，皮脆肉嫩，唔會太肥，加上咬落好香煙燻過既味，我覺得好好食。呢間既燒味性價比幾高，好食得黎唔會好貴，我覺得除咗堂食之外，係附近放工既都可以過黎斬料番屋企加餸。