池畔廊

Open Now

Now Closed

呢兩日同朋友嚟酒店staycation。見出邊落雨，決定留喺酒店食晚飯😋酒店呢間池畔廊位於酒店嘅泳池隔離，如果天氣好嘅時候可以坐室外。不過四周圍都係住宅，冇乜風景好睇。室內嘅座位都唔多，擺到5-6台左右。雖然環境一般，但係服務都有酒店嘅級數。👍🏼侍應好親切，會主動介紹抵食嘅食物選擇。我哋叫咗一份沙律，一個薄餅，同埋一份羊扒。🤙🏽🤙🏽沙律係凱撒沙律，我哋加咗煙三文魚，要比多$30。沙律嘅份量都唔細，上邊嘅芝士碎都唔孤寒，澳門晒成隻碟，淡淡菜同埋三文魚都有芝士喺上邊。😙薄餅就叫咗Parma Ham pizza, 佢個薄餅係新鮮焗出嚟, 熱辣辣，脆卜卜。個羊扒叫咗五成熟，煎出嚟生熟程度啱啱好，我嗰啲配菜都係燒出嚟，好香好多汁。呢間係酒店入面，除咗自助餐之外嘅餐飲一個好嘅選擇👍🏼如果住呢度可以一試。