THE STEAK ROOM

Open Now

Now Closed

再次到訪此餐廳，今日遇到個好細心嘅侍應，佢叫做Jimmy。專業嘅staff係會提升到成個用餐體驗。 Jimmy會介紹哩度嘅牛油係好食，而且係低鹽牛油，咁啲牛油又真係唔錯~因為我上次嚟嘅時候都覺得佢啲牛油係幾好食~。點餐嘅時候，佢又會同我哋預下啲份量，驚我哋女仔食唔曬。上牛扒嘅時候，佢又會話畀客人知嗰8樽鹽，其實只有頭尾2樽係用嚟配牛扒(smoked sea salt & Japanese black garlic salt) ，淨番個6樽係用嚟食海鮮嘅，上次嚟係完全冇人介紹過，但明明呢度食牛扒係sell鹽同埋sell 嗰啲醬😌。到揀牛扒刀嘅時候，雖然把把刀係一樣嘅，就係畀客人揀下刀嘅花紋，但係當我喱個港女話想同啲刀影相，佢又會細心咁樣拎過另外一盒裝滿嘅刀嚟畀我影。原來哩位員工只係第5日響呢度返工，聽講佢之前係去不同餐廳嗰度做training嘅，唔怪之得對食材同調味料配搭咁有認識啦。