居素屋日本野菜料理

Open Now

Now Closed

而家周圍愈黎愈多素食，對我呢個素食怪黎講好值得開心。今日就試下日本素食！入面環境幾舒服，枱同枱都距離都遠，傾計好好。佢set好menu，基本上得個麵要揀。茶係綠茶，而且斟得幾快手。第一樣上左個八寸。講真就無特別。唯一係胡麻豆腐既口感好腍，同平時硬豆腐質感好唔同。之後係北海道水果蕃茄，都係普通蕃茄味，不過切得靚啲。壽司四件。食完好失望。佢只係飯加茄子，飯加紅椒同飯加個葉。唯一係豆紙花做得好精緻，加分。本身以為會花多啲心思在醬汁等，令到佢有特色啲。反而炸物好出色。炸得唔油，又好香。我本身唔好炸野都得幾好。湯同冬瓜湯包。湯包係單純紫菜包住冬瓜。個湯反而有驚喜，有柚子味，幾清新。燒物零驚喜。要左青檸冷素麵，幾Q彈，不錯。不過不失甜品。整體黎講唔算有驚喜，食過好多更好既素食店。以呢個食物，價錢都唔平呀。