千房 (Closed)

睇完美食節目介紹大阪燒，令我好想食，所以即刻約左朋友去。好彩中午時段吾太多人，好快就有位。見到餐牌d午市套餐都好抵午市定食，我地叫左一個豚玉燒，包埋前菜同味噌湯。我地想自己試下整大阪燒，所以同左店員講，吾係佢就會幫我地整埋。我同朋友都係第一次整大阪燒，好彩有指示牌教我地，店員又會好細心教我地整。呢個係整豚玉燒既配料，重有timer比我地計時間。我地首先要將d漿攪伴好，先可以放落去煎。真係好有趣，可以親力親為體驗大阪燒點整，同朋友整得好開心。呢個就係我地既製成品！第一次整算係吾錯！煎得幾香，又多料，可以自己控制醬量。我地之後再叫左什錦廣島燒，今次係店員幫我地燒，煎得令好多，又多料，有海鮮同豚肉。如果吾夠醬，重可以自己加。下面係炒麵底，所以好夠食。之後我地加左狂熱雞翼，煎得好香，又好入味，檸檬味好香。而香葱豚肉卷又燒得好好食，香葱好爽口。我地加左檸檬茶，重有杯同冰比我地，好好service。最後緊係要食翻雪糕，28蚊有3球，我地叫左朱古力味、鹽味同綠茶味，做結尾好岩。今餐真係食得好滿足。