舢舨泰國餐廳 (Closed)

慶祝同事升職，一行十一人放工後由港島揸車入西貢食飯。原先大家都以為係食海鮮，原來主辦單位係選擇左呢間外型較有格調o既泰國餐廳。o係門口見到有$148 All you can eat，但係其實都只係好普通o既選擇，而且都係比較飽肚，真係要大胃王先抵食，所以最後同事們都係散叫算。叫左小食拼盤、青木瓜卷、椰汁菠蘿炒飯、串燒、泰式鳳爪、羊架、蒜蓉炒芥蘭、青咖哩雞同唔知咩炒蝦。樣樣都幾好食，但冇邊樣特別令人回味。飲品方面叫左珍多冰，沙冰式，唔會越飲越淡，而且好足料，讚！o係西貢食飯環境清幽唔多人，加上呢喥係比較有裝修，所以食得舒服寫意。不過對於住新界西o既甲乙，如果唔係同事有車送埋返屋企都未必會過去食。如果有一天可以同毛毛輕輕鬆鬆放一日假都可能會再去o既，唔係的話就要等多幾年買到車先會再去lu。