福源川香閣

Open Now

Now Closed

好耐無食川菜，搵到呢間餐廳可以食到地道又正宗嘅味道。好彩一早Book定位，6:30pm已經全場爆滿。每碟都好有份量，最重要價錢唔貴。見到好多枱都食緊酸菜魚，果然好正。「酸菜鱸魚」湯底味道調較得好恰當，唔會太酸，又可以選擇辣度。魚肉滑嘟嘟，啖啖肉，完全無骨，有好多片。可以自選配料 揀咗萵筍 同 寬粉「蒜泥白肉」大大片肉 同青瓜夾埋一齊食，再沾上辣醬真係好正「涼拌海蜇」海蜇都好大碟，底層仲有青瓜絲，爽口「金蒜粉絲蒸娃娃菜」娃娃菜 同 粉絲 索哂上湯同蒜香味，可以同辣度中和一下「家鄉紅糖茲粑」必食茲粑，係我食過最好味嘅。皆因外層好脆口，裡面口感煙煙靭靭，沾少少紅糖甜甜地，超好食「桂花冰酸」透明水晶嘅外表，有啲似啫喱嘅口感，滑嘟嘟，加少少芝麻好香口。店員服務好有效率，性價比高，下次食辣野一定再嚟。