Video
Read full review
2018-11-03
83 views
由中學畢業開始到依家大大話話都嚟過十幾次，每次去完QE覆診都會行過嚟。由最初好正嘅兩塊肉眼配烤南瓜同冇得彈嘅薯條水牛雞翼襯大大壺花茶，都後期水準直線下降魚柳鞋口意粉汁乾冇味，仲有牛扒全熟韌口配菜發黃，曾令我一度卻步冷落。前幾日見菜式幾吸引，差唔多五點仲有午餐供應，於是下決心俾多次機會佢，果然冇令我失望。先講講餐湯，濃郁煙肉味加上粒粒南瓜蓉，香濃幼滑唔怕稀，掂！多士條咬落去「卜」一聲咁脆口，但有點硬，有淡淡麥香。餐包同牛油如果served warm就更好。阿根廷紅蝦龍蝦汁扁意粉，啱晒我呢個大蝦狂粉。扁意粉相對意粉更有咬勁，好入味。龍蝦汁頗香口，但蒜味略重蓋過原味。菇菌味濃，成功令我對菇類改觀。主角紅蝦真係jumbo size手掌咁大，仲有兩隻，香氣誘人到我連殼都損埋，蝦頭爆滿橙紅嘅膏，蟹肉亦充滿鮮味。美中不足嘅係肉質，可能係因為落鑊油溫唔夠，其中一隻有些少霉，但尚可入口。餐飲普普通通就唔多講，想起往日打卡就有花茶飲，懷緬時時其實還有。不過點都好啦，$50唔駛免加一有晒成set而且質素幾好，抵到爛啦。下次等我早啲去，攞埋個八折先！PS. 嗰日有首歌幾啱聽，但因為環境太嘈聽唔清楚歌詞，上網又
前幾日見菜式幾吸引，差唔多五點仲有午餐供應，於是下決心俾多次機會佢，果然冇令我失望。
先講講餐湯，濃郁煙肉味加上粒粒南瓜蓉，香濃幼滑唔怕稀，掂！多士條咬落去「卜」一聲咁脆口，但有點硬，有淡淡麥香。餐包同牛油如果served warm就更好。
阿根廷紅蝦龍蝦汁扁意粉，啱晒我呢個大蝦狂粉。扁意粉相對意粉更有咬勁，好入味。龍蝦汁頗香口，但蒜味略重蓋過原味。菇菌味濃，成功令我對菇類改觀。主角紅蝦真係jumbo size手掌咁大，仲有兩隻，香氣誘人到我連殼都損埋，蝦頭爆滿橙紅嘅膏，蟹肉亦充滿鮮味。美中不足嘅係肉質，可能係因為落鑊油溫唔夠，其中一隻有些少霉，但尚可入口。
餐飲普普通通就唔多講，想起往日打卡就有花茶飲，懷緬時時其實還有。
不過點都好啦，$50唔駛免加一有晒成set而且質素幾好，抵到爛啦。下次等我早啲去，攞埋個八折先！
PS. 嗰日有首歌幾啱聽，但因為環境太嘈聽唔清楚歌詞，上網又揾唔到。如果可以畀個playlist我就好啦哈哈!
阿根廷紅蝦龍蝦汁扁意粉
$49
9 views
0 likes
0 comments
Post
