Video
Read full review
2021-11-09
314 views
最近返工有度日如年嘅感覺，終於捱到星期五喇😭，放工後一定要同朋友啤啤佢，享受吓Happy Friday。我哋去咗位於銅鑼灣嘅「The Madhouse CWB」食飯，揀呢度係因為我之前去過旺角店，知佢有酒飲又有嘢食，一次過滿足兩個願望✌🏻。餐廳以嘉年華做主題，水吧位有個類似旋轉木馬嘅裝置🎠，着晒燈好鬼靚。同時，兩邊牆身都各有特色，其中一邊列出Drink List，而對面就係一幅色彩繽紛嘅大牆畫🌈，望見圖入面啲遊戲設施不禁令人好開心。男店員服務親切，主動問及我哋想飲啲乜，並作出介紹。老實講我對啤酒冇乜研究，一時間見到有咁多款，實在唔知點揀🙈。最終我要咗來自英國North Brewing嘅California Pale Ale($88)，呢款屬於淡啤酒🍻，呈琥珀色，苦味低，易入口，幾啱女仔飲。由於朋友作病，所以揀咗無酒精嘅Pink Lemonade💕($88)，雖然有啲掃興，不過佢嗰杯都好飲嘅，飲得出有檸檬同石榴香。泰式黃咖喱啖啖蟹肉粗管通Crabby Curry Rigatoni($218)，菜式嘅每一部份都好吸引🤤。首先醬汁選用咗黃咖喱🥘，而唔係一般嘅忌廉或茄醬，咁樣能夠為Pasta帶
最近返工有度日如年嘅感覺，終於捱到星期五喇😭，放工後一定要同朋友啤啤佢，享受吓Happy Friday。我哋去咗位於銅鑼灣嘅「The Madhouse CWB」食飯，揀呢度係因為我之前去過旺角店，知佢有酒飲又有嘢食，一次過滿足兩個願望✌🏻。
餐廳以嘉年華做主題，水吧位有個類似旋轉木馬嘅裝置🎠，着晒燈好鬼靚。同時，兩邊牆身都各有特色，其中一邊列出Drink List，而對面就係一幅色彩繽紛嘅大牆畫🌈，望見圖入面啲遊戲設施不禁令人好開心。
California Pale Ale
$88
6 views
0 likes
0 comments
泰式黃咖喱啖啖蟹肉粗管通
$218
4 views
0 likes
0 comments
泰式黃咖喱啖啖蟹肉粗管通Crabby Curry Rigatoni($218)，菜式嘅每一部份都好吸引🤤。首先醬汁選用咗黃咖喱🥘，而唔係一般嘅忌廉或茄醬，咁樣能夠為Pasta帶嚟新鮮感，而佢嘅咖喱香而不辣，符合大眾口味。🦀蟹肉係另一主角，除咗面頭有一大堆之外，其實仲好均勻咁滲透喺通粉內，所以每啖都食得到，非常足料。粗管通粉好大粒，中間掛滿汁，而口感亦幾爽彈。
墨墨卷
$158
3 views
0 likes
0 comments
墨墨卷Mexi Fajitas($158)，墨西哥美食一向惹味🇲🇽，而呢個墨墨卷亦唔例外。烤雞同薄餅分開上，再交由客人自行組裝。鐵鍋裏面裝住雞肉、洋蔥同埋三色椒，佢哋全部都好有鑊氣，用薄餅包裹食，再沾埋酸忌廉同辣醬，味道層次豐富🌮，但唯一可惜嘅係薄餅得三塊，唔夠包！
邪惡炸豬腩
$108
10 views
0 likes
0 comments
邪惡炸豬腩 Ugly Fried Pork Belly($108)，呢個小食富有泰國風味🇹🇭，造型有啲似泰式咸肉，但又同叉燒撞樣，哈哈。脆炸豬腩肉嘅外皮令我聯想起港式燒腩仔🐷，肉質唔嚡，簡單用鹽調味已經唔錯，而佢就更加附上泰式酸辣汁作伴，以進一步提升滋味。
法式焦糖薑薑蛋Ginger Crème Brûlée($68)，甜品有少少令人失望，可能因為有期望落差。🥚燉蛋賣相一般，溫度較凍，口感略嫌唔夠滑，不過幸好有薑味搭救。
總括嚟講，Madhouse呢個嘉年華令人樂而忘返🎡，你可以喺度享受美食兼放鬆心情，而環境又夠舒服，難怪小店咁受歡迎，全場爆滿啦！如果喺銅鑼灣想飲嘢嘅話，我會推介佢🌟。
Post
