Video
Read full review
2021-07-22
100 views
呢一間位於工廠大廈嘅西餐廳，有好大嘅用餐環境，側邊仲有得打下桌球添，見到環境咁闊落就嚟試一試！👍🏻二人餐 （跟沙律、餐湯、主食、甜品、餐飲）🤍前菜凱撒沙律既份量剛好，沙律菜新鮮而且有適量嘅巴馬臣芝士作調味，餐湯跟配香草麵包同麵包棒，麵包主要用蕃茄乾同意大利香草製成，食落軟熟帶酸感，更可以搽上附上的松露牛油！當日餐湯為甘筍湯，味道偏鹹一點。👍🏻炭燒安格斯西冷牛扒牛扒用炭火燒所以食落會有份焦感，而且網紋好明顯，不過熟成度唔夠，令到牛扒中間位置有啲難切，帶點韌勁同有筋位 ，不過勝在牛味好重。👍🏻香辣茄汁魷魚墨魚汁意大利粉意大利粉唔多但係啲料同啲醬就勁多，所以每一啖意粉都有好足夠嘅調味！魷魚口感彈牙，唔需要用力去咀嚼，辣汁唔會好辣，加上酸酸甜甜嘅茄汁同蕃茄粒，卻會令人胃口大開～但小編略嫌意大利粉的墨魚汁未夠濃味。💡而家餐廳做緊五周年優惠，逢星期一至三就可以用$1 換海鮮(好可惜我當日係星期四）
👍🏻二人餐
（跟沙律、餐湯、主食、甜品、餐飲）
🤍前菜
凱撒沙律既份量剛好，沙律菜新鮮而且有適量嘅巴馬臣芝士作調味，餐湯跟配香草麵包同麵包棒，麵包主要用蕃茄乾同意大利香草製成，食落軟熟帶酸感，更可以搽上附上的松露牛油！當日餐湯為甘筍湯，味道偏鹹一點。
👍🏻炭燒安格斯西冷牛扒
牛扒用炭火燒所以食落會有份焦感，而且網紋好明顯，不過熟成度唔夠，令到牛扒中間位置有啲難切，帶點韌勁同有筋位 ，不過勝在牛味好重。
👍🏻香辣茄汁魷魚墨魚汁意大利粉
意大利粉唔多但係啲料同啲醬就勁多，所以每一啖意粉都有好足夠嘅調味！魷魚口感彈牙，唔需要用力去咀嚼，辣汁唔會好辣，加上酸酸甜甜嘅茄汁同蕃茄粒，卻會令人胃口大開～但小編略嫌意大利粉的墨魚汁未夠濃味。
💡而家餐廳做緊五周年優惠，逢星期一至三就可以用$1 換海鮮(好可惜我當日係星期四）
Post
