汀汀烤活魚 (Closed)

媽媽同婆婆又獨自去偷歡😛我地真係好中意食辣野，呢日掉低偽韓仔，就食得盡興啲，唔洗就住就住😜我地去左旺角行街街，再係呢頭食野，我地揀左間都好耐歷史既汀汀烤活魚，中意食烤魚既都一定有聽過/食過🤩一坐低見到個Menu，有我最鍾意食嘅小龍蝦，我梗係唔會錯過啦，小龍蝦雞煲，啱晒我哋，因為婆婆就唔係咁好小龍蝦既😏唔識食呀佢🤣講返呢個雞煲，非常之入味，唔會辣到搶喉，但係好有麻香，味道豐富好有層次😍係好好味😋婆婆都話very good 👍🏻 食完個雞煲，就可以加湯打邊爐，因為食咗好多雞嘅關係，我哋主力都係叫蔬菜同海鮮，叫咗一個鮮魚卜，講個秘密俾你知，呢個其實就係花膠嚟㗎，不過係未乾之前，即係咩呀😏😏養顏呀baby😍下次打邊爐見到，就識得食喇😘食辣嘢又點少得大豆芽菜，爽口嘅芽菜，吸晒啲湯汁之後真係超惹味呀！另外我都嗌咗媽媽打邊爐必點既桂花蚌，鮮味滿滿，正！食辣嘢，飲品都好重要，呢度啤酒都好抵飲， $38就有一大支！但係媽媽仲發現咗一杯好Igable 既Apple cider，所以就放棄咗飲啤酒啦😝婆婆就揀咗支裝可樂，佢話勁正呀🥳