新志興至尊燒鵝大王

Open Now

Now Closed

點心好食嘅茶樓真係買少見少呀！我真係好鍾意喺呢度飲茶。平時飲茶一班人除返開都係三十蚊到一個人。佢啲點心真係好大碟，份量超多！而且啲炒飯都真係好香好好食！ 今次相裏面見到嘅係鯪魚球，牛肉球，同埋排骨。好耐冇見過咁大碟嘅點心啦！而且味道重調得好好！其實我最鍾意食嘅係佢嘅燒賣， 好足料，而且一籠有四大粒。 另外我覺得好好食嘅係雞紥。入面雞又好滑啦，芋頭又好粉啦，火腿又好厚啦，魚肚又好吸味吸汁啦，腐皮又好香啦！ 真係樣樣都超正呀！