Video
Read full review
2017-10-13
83 views
其實兩個半月前已經幫襯左，但竟然唔記得寫食評…相都無埋，得番最後兩張甜品相…=_= 唔緊要，照寫。當初留意到呢間，係因為佢喺OpenRice既排名同個名夠貼地，而且用OpenRice網上訂座仲有折扣優惠，6點前訂座竟然有半價 (不過留意返，只限單點食物，套餐係無折架)。 間舖位於旺角女人街地舖，其實有少少難揾，招牌唔顯眼，所以好容易就會行過左都唔知 (定係得我先會咁呢?XD)，我來來回回行左幾轉，舖頭職員打俾我先搵到，哈哈XD，時間算早，唔使等位直入坐低。由於正值夏天，天氣炎熱，真係熱到喊，一坐低即刻睇飲品menu涼一涼再等齊D遲到既朋友。Menu入面，飲品名係用香港歌名，感覺既熟悉又好親切，好有香港特色，即時諗番起童年回憶，舖頭仲要不斷播廣東歌，真係非常貼地，值得欣賞。叫左兩個二人套餐再加單點:-1) 街坊素鮑參碗仔翅窩: 好大隻素鮑魚同海參，碗仔翅有大量配料，好足料而且味道幾好。2) 皇牌極上龍蝦湯窩: 味道好濃，有少少苦味，有比較下，個人鍾意碗仔翅多D!3) 脆炸德國豬手配蜜糖芥末汁: 隻豬手好脆但好難切，有肉汁，都好味!4) 燒美國牛柳伴龍蝦: 牛柳叫左
當初留意到呢間，係因為佢喺OpenRice既排名同個名夠貼地，而且用OpenRice網上訂座仲有折扣優惠，6點前訂座竟然有半價 (不過留意返，只限單點食物，套餐係無折架)。
間舖位於旺角女人街地舖，其實有少少難揾，招牌唔顯眼，所以好容易就會行過左都唔知 (定係得我先會咁呢?XD)，我來來回回行左幾轉，舖頭職員打俾我先搵到，哈哈XD，時間算早，唔使等位直入坐低。由於正值夏天，天氣炎熱，真係熱到喊，一坐低即刻睇飲品menu涼一涼再等齊D遲到既朋友。
Menu入面，飲品名係用香港歌名，感覺既熟悉又好親切，好有香港特色，即時諗番起童年回憶，舖頭仲要不斷播廣東歌，真係非常貼地，值得欣賞。
叫左兩個二人套餐再加單點:-
1) 街坊素鮑參碗仔翅窩: 好大隻素鮑魚同海參，碗仔翅有大量配料，好足料而且味道幾好。
2) 皇牌極上龍蝦湯窩: 味道好濃，有少少苦味，有比較下，個人鍾意碗仔翅多D!
3) 脆炸德國豬手配蜜糖芥末汁: 隻豬手好脆但好難切，有肉汁，都好味!
4) 燒美國牛柳伴龍蝦: 牛柳叫左5成熟，可能有鐵板關係，出到黎起碼有8成熟，肉質好韌，有D失望。
5) 龍蝦汁海鮮河粉，墨魚汁帶子河粉: fusion菜幾特別，不過味道一般，而且D汁好快就俾河粉吸收晒，記住一定要襯熱食，凍左就真係好難入口。
6) 原隻波士頓龍蝦芝士龍蝦汁意大利飯: 呢個幾好味，意大利飯軟硬適中，龍蝦新鮮彈牙。
7) Tiramisu吉士雞蛋仔伴雪糕，紫薯吉士法國西多士伴雪糕: 雪糕既冷同雞蛋仔/西多士既熱一齊食幾特別，而且賣相係靚既，食第一啖覺得好得意，第二啖還可以，第三啖已經覺得膩，呢個甜品一定要多人share先得XD
整體黎講，味道一般，可以再好D，埋單有加一服務費，有折扣優惠，除番開每人$1xx，係抵食既。
Tiramisu吉士雞蛋仔伴雪糕
20 views
0 likes
0 comments
紫薯吉士法國西多士伴雪糕
18 views
0 likes
0 comments
Post
