田記魚蛋牛腩專門店 (塘尾道)

Open Now

Now Closed

去完春生雷參觀之後…見有少少餓…望到正正對面有間港式粉麵店…睇落光猛明亮… 一於入去品嚐吓久違嘅牛腩滋味啦… 坐低之後本來想叫招牌牛腩河…但諗諗吓既然咁耐冇食呢啲…不如就食好啲…所以揀咗 🌟 崩沙牛腩河粉 … 崩沙腩賣相好靚仔…筋肉層次分明…入口又腍又有口感…幸福！！同行朋友叫嘅🌟 牛三寶河粉 亦都唔輸蝕… 牛筋膠原豐富充滿彈性…牛肚望落紋理清晰且食落軟熟…牛腩都牛味重兼唔嚡身…重點兩碗河粉都爽滑無碎濕濕😌😌然後我哋仲叫咗🌟 淨招牌魚片頭 分享…魚片頭魚味濃…唔錯唔錯！同埋🌟 油菜 要咗腩汁通菜…都新鮮翠綠無overcooked...最後想一提杯🌟 凍檸檬菜蜜 真係沖得幾好飲🍯🍋酸甜味平衡得當！