火山燒 (Closed)

荃灣大霸街食肆林立，各式形式任君選擇，話說呢日就同朋友去搵吓有咩好食大家都不約而同對呢間提供日式同西餐嘅有興趣，下午茶都多選擇，日式有丼、手打烏冬等等，而西餐就有幾款意大利麵選擇▶️極品豬肋骨燒汁焗飯 (骨肉分離) - 好搞笑餐牌寫住骨肉分離，當然有點兒誇張啦，但總算一切就開嘅，焗飯應有嘅炒飯底同埋焗香咗嘅芝士，值得一試！▶️蘇格蘭煙三文魚忌廉天使麵 - 忌廉味夠香，味道都算突出，以下午茶餐嚟講都算有誠意▶️沖繩豬軟骨珍珠米丼 - 豬軟骨夠軟淋，而珍珠米嘅口感黏而軟綿，唔錯！總結：下午茶餐都多選擇，跟餐有忌廉湯同熱飲，價錢尚算相宜，可以一試！