蘇三甜蜜

Open Now

Now Closed

呢晚喺銅鑼灣食完晚飯，喺加路連山道附近發現咗間新開嘅糖水小店，門面設計及佈置非常有香港特色，見入邊都有唔少人幫襯。好彩唔係等咗好耐，就可以入座。芒果芋圓仙草西米露椰汁雪泥（$58）- 首先要讃下個雪泥整得好滑好香，芋圓入口煙韌。加埋仙草，份量都幾多，食落味道好有層次。焦糖香蕉布丁（$48）- 據聞呢個係餐廳嘅原創布丁，賣相已經非常吸引，香蕉面佈滿焦糖，入口外脆內軟。布甸好滑溜，鍾意佢唔會太甜，帶陣陣嘅豆香。餐廳入邊嘅環境佈置好有心思，處處都係打卡位，食物質素亦相當有驚喜。