緣味小聚 (LADDER Dundas)

Open Now

Now Closed

呢間蒸氣海鮮比其他同類店多選擇，有好多唔同套餐。今次我就揀左每位$268嘅「星級鮑魚海鮮鍋套餐」。蟲草花燉雞腳湯個湯落足料，有蟲草花、雞腳、瘦肉、桂圓。味道鮮甜，唔係一般落味精嘅味道。海鮮有鮑魚、聖子、貴妃褲蚌、大刀貝、龍躉、海蝦，同埋其他貝殼，全部都洗得好乾淨靚仔，食落有海水鮮味。間餐廳有準備調味料，例如蒜、蔥、辣椒，豉油比我地自己調味，我覺得唔洗特別調味，就咁係原汁原味都夠！當中我覺得韓國鮑魚最特別，個口感比平時街市買個啲彈牙！ 安格斯肥牛平時少啲用蒸嘅方法去煮肥牛，本身驚會鞋口，點知口感正常，仲食到佢嘅牛脂香味。八寶蒸飯材料有南瓜、芋頭、臘肉、魷魚、花生等等，當中嘅臘肉同埋魷魚最惹味，令個個飯有啲油香味。點心食到最後都已經飽飽地，個套仲包埋點心，當中嘅粉果真係好足料，皮夠薄，一流！另外個馬拉糕都好個口感彈牙、味道岩岩好唔會太甜太淡。整體呢個價錢同質素我覺得係抵食，性價比高嘅！