越南老街

Open Now

Now Closed

天氣咁熱，又係食comfort food 嘅時候。呢晚去筲箕灣探朋友，試咗呢間頗有驚喜嘅越南小店。餐牌除咗有單點之外，仲有啲一人及二人套餐，價錢都幾抵食。火車頭河粉（$98）- 叫得做火車頭，材料當然非常豐富，包括有生牛肉、熟牛肉、牛柏葉、牛丸及牛筋，河粉入口滑溜，配上清甜湯底，味道非常唔錯。炭燒豬扒扎肉撈檬 （$68）- 豬扒肉質鮮嫩，表面帶有微微炭燒香氣。厚切嘅扎肉，再配上酸甜醬汁嘅檬粉，十分清爽開胃。蝦餅（$48）- 一共有四件，蝦餅入囗非常彈牙，搭配酸甜調味醬，好開胃嘅小食。青檸荔枝梳打（$19）- 非常適合夏天嘅飲品，味道清新，酸甜適中。餐廳裝潢簡約，食物質素唔錯，店員亦十分親切，見附近有唔少街坊都嚟幫襯。