Video
Read full review
2022-12-21
307 views
不籽是咖啡 - 又一文青店呀，放工嚟同同事嚟chill下同聚下。樓底高，舒服既。佢仲有分窗邊枱，方便一個人你都可以享受，小枱同大枱任君選擇。我哋4:00到， 4:30已經70%滿，平日嚟都幾好生意！假日應該排隊？Mocha $44雖然無得脫脂奶，但可以燕麥奶。燕麥奶又幾味，第一次飲，哈哈！多左一陣麥香，但無牛奶咁creamy！玫瑰茉莉花茶 $68勁多花，重料呀！好岩比我哋慢慢傾，店員姐姐好好。一上枱就話飲哂叫佢幫手加就得啦，好helpful！最啱有時我哋唔好意思叫人加水~龍蝦湯配牛油果大蝦稻庭烏冬 $128好日系感覺，龍蝦湯幾鮮甜又無太咸，過關！另外仲有沙律菜、紫菜同埋牛油果，健康之選。佢嘅龍蝦湯係可以淹沒晒所有菜蝦，如果擔心味道濃或者鹹嘅話，可以唔落哂。不過其實都唔鹹，而家大家都食得健康咗，覺得好多餐廳都落少咗鹽。大蝦可以彈牙啲，其他飽飽滿。。。個肚，哈哈！味增蟹醬蟹籽蟹肉扁意粉 $138洋蔥、香菇襯托蟹既一切！好好味，必叫！超抵！超值！好推薦要叫！特別係蟹之fans - 我，或者你？本身以為味增蟹醬應該會比較鹹，但又無喎！但係佢真係比足料嘅，可以見得到佢每樣蟹醬、籽、肉比例都1:1
不籽是咖啡 - 又一文青店呀，放工嚟同同事嚟chill下同聚下。
樓底高，舒服既。佢仲有分窗邊枱，方便一個人你都可以享受，小枱同大枱任君選擇。我哋4:00到， 4:30已經70%滿，平日嚟都幾好生意！假日應該排隊？
Mocha $44雖然無得脫脂奶，但可以燕麥奶。燕麥奶又幾味，第一次飲，哈哈！多左一陣麥香，但無牛奶咁creamy！
玫瑰茉莉花茶 $68勁多花，重料呀！好岩比我哋慢慢傾，店員姐姐好好。一上枱就話飲哂叫佢幫手加就得啦，好helpful！最啱有時我哋唔好意思叫人加水~
龍蝦湯配牛油果大蝦稻庭烏冬 $128
好日系感覺，龍蝦湯幾鮮甜又無太咸，過關！另外仲有沙律菜、紫菜同埋牛油果，健康之選。
佢嘅龍蝦湯係可以淹沒晒所有菜蝦，如果擔心味道濃或者鹹嘅話，可以唔落哂。
不過其實都唔鹹，而家大家都食得健康咗，覺得好多餐廳都落少咗鹽。
大蝦可以彈牙啲，其他飽飽滿。。。個肚，哈哈！
味增蟹醬蟹籽蟹肉扁意粉 $138洋蔥、香菇襯托蟹既一切！好好味，必叫！超抵！超值！好推薦要叫！特別係蟹之fans - 我，或者你？本身以為味增蟹醬應該會比較鹹，但又無喎！但係佢真係比足料嘅，可以見得到佢每樣蟹醬、籽、肉比例都1:1:1咁，個扁意粉底有啲似卡邦尼意粉做法，飽肚！蟹籽添口感，蟹肉一流，基本上每一站都有，有時有啲做得得個頂有一堆。
焦糖香蕉雲呢拿雪糕配牛角酥窩夫 $88有時嚟文青咖啡店，會以甜品為主角，反而我覺得今次甜品係配角！佢有個冰凍左既藍莓，幾特別。第一次見牛角酥窩夫，估唔到依間小店幾有特色，市面上有好多窩夫係外脆內軟麵粉個隻。牛油酥窩夫係成個都好菜同埋乾身，佢配左1.5個雪糕令個濕潤少許，帶動牛油味。
Post
