Thai 2.0 (Closed)

同朋友到愉景新城行街， 行咗一陣要諗夜晚食咩嘢。 行咗成個鐘頭都搵唔到一間想食嘅餐廳，最後行行下見到角落頭位有一間泰國餐廳， 佢嘅位置真係好隱蔽😂 唔行入去真係搵唔到㗎。餐廳嘅空間都幾大，幾闊落。我同友人就坐咗喺望到街景嘅卡位。一行入去，侍應好有禮咁地介紹有咩野食招牌菜。1） 秘制海南雞 海南雞既肉質嫩滑，配上秘制既醬汁， 更帶出雞既鮮味。個汁有少少辣，唔食辣既就唔好沾汁食。2) 泰式拼盤 同出面嘅泰式拼盤有啲唔同，呢間餐廳嘅泰式拼盤有超多選擇 除咗有蝦餅春卷仲有串燒同埋泰式鳳爪。串燒有得選豬牛雞其中兩款，我同朋友選佐豬同雞，燒得好林同香。春卷咬落好脆。3) 原個椰青海鮮飯 黎到主菜海鮮飯，賣相雖然唔算好靚，但海鮮配上濃濃甜甜既椰漿一齊食真係令人不停係咁食唔停。 對於鐘意食椰漿既我，呢道菜真係令人難以忘懷！4. 椰汁沙冰 同埋 芒果椰汁沙冰 食完椰青海鮮飯再配上椰汁沙冰，真係人生一大享受 。椰青飯個椰漿本身已經好甜，出奇地椰汁沙冰嘅椰汁唔算話太甜， 所以食完椰青飯再飲椰汁沙冰又唔會話覺得好漏。 芒果沙冰係朋友叫既，冇飲所以不便評論！