唐坊火鍋私房菜

呢間火鍋位置喺油麻地，好方便我哋兩個人叫左呢個二人套餐👍🏻 推.先係有個 2 人刺身拼盤😆 佢啲三文魚超肥美同埋厚切，每啖都好幸福.鍋底我地簡左煲冬瓜瑤柱美腿鍋，通常啲湯底一係就重口味，一係就太清；呢個湯底清得黎，重瑤柱味同金華火腿獨有既鹹香😍 食到食材本身既味道之餘，仲有金華火腿既天然調味😆.重頭戲係呢個海鮮盤😆 啲海鮮好鮮同大隻，啲貝殼類上碟前係冇打開，之前聽，其實冇打開先新鮮；其中最出色係個蚌😍 好大隻，一咬佢哋個肚係爆汁😍 超肥美；另外蝦同鮑魚都好鮮😆.打邊爐一定要唔可以無牛，呢隻手切特級牛，唔會好肥，偏重肉味既😆 30秒左右，肉質柔軟順滑.仲有啲配菜，包括韭菜餃同蟹肉餃，個蟹肉餃比較少見，真係有好香嘅蟹味👍🏻 另外仲有大量嘅新鮮時菜同烏冬😆 我哋將啲食材煮晒先，再落烏冬，個烏冬索晒啲「精華」，超正😍.最尾仲配埋個桃膠糖水，好足料，每斤都有桃膠😍 甜甜地，為成個火鍋做咗個完美嘅結尾