Video
Read full review
2018-06-12
2220 views
我平時好少食素，但依家想健康啲，覺得間吾中食下素食都幾好，又可以清下腸胃。近排北角開左好多素食鋪頭，見到呢間素食分子都好似幾多人食，咁就入左去試下啦!一入到去環境幾靚，比我一種舒服清幽既感覺，但好可惜中午人太多，經理侍應都好忙，冇人即時招呼，不過好彩行入啲係收銀位置，收銀員都有幫忙安排座位。跟住見到buffet檯擺左咁多野食，完全冇諗過一個素食自助餐可以有咁多選擇，仲要係收$68炸，超抵！我黎既時候個個星期日就係父親節，佢好似仲搞左個歌唱晚會添，有野食有歌聽都好似吾錯。仲有野送添首先食左頭盤先，有壽司，春卷，PIZZA。西式日式中式都齊哂，岩哂我既口味，雖然知道佢係素食，但睇落個樣一啲都吾輸蝕，而且味道都吾錯。尤其是個春卷，多材料又炸得脆。最重要係冇炸燶！而主菜都有十幾款，多到食吾哂咁濟。最欣賞佢呢個紅米同玉米飯，聽講對身體好有營養！竟然仲有老火湯添，呢個係紅蘿蔔冬蟲草湯，個湯煲超多料，我都忍吾住夾左好多！而且飲落係冇味精既味道！值得推介！飲完湯諗住再出去夾啲未食過既主菜，點知已經空左盤，雖然有啲失望，但都冇辨法。咁岩廚師出黎refill，佢地refill既速度都幾快，幾個空盤都即時r
一入到去環境幾靚，比我一種舒服清幽既感覺，但好可惜中午人太多，經理侍應都好忙，冇人即時招呼，不過好彩行入啲係收銀位置，收銀員都有幫忙安排座位。跟住見到buffet檯擺左咁多野食，完全冇諗過一個素食自助餐可以有咁多選擇，仲要係收$68炸，超抵！
我黎既時候個個星期日就係父親節，佢好似仲搞左個歌唱晚會添，有野食有歌聽都好似吾錯。仲有野送添
首先食左頭盤先，有壽司，春卷，PIZZA。西式日式中式都齊哂，岩哂我既口味，雖然知道佢係素食，但睇落個樣一啲都吾輸蝕，而且味道都吾錯。尤其是個春卷，多材料又炸得脆。最重要係冇炸燶！
而主菜都有十幾款，多到食吾哂咁濟。最欣賞佢呢個紅米同玉米飯，聽講對身體好有營養！
竟然仲有老火湯添，呢個係紅蘿蔔冬蟲草湯，個湯煲超多料，我都忍吾住夾左好多！而且飲落係冇味精既味道！值得推介！
飲完湯諗住再出去夾啲未食過既主菜，點知已經空左盤，雖然有啲失望，但都冇辨法。咁岩廚師出黎refill，佢地refill既速度都幾快，幾個空盤都即時refill哂。行埋去睇下，竟然出左新菜式！估吾到素食自助餐都可以做到咁有新鮮感，呢個新出既黑松露炸薯波熱辣辣，超好食！雖然吾係好多黑松露，但都有黑松露味。
飯後食埋生果就岩岩好啦，有時令既西瓜，都幾甜！其實仲有豆腐花，中式糖水，但已經太飽啦，唯有留番下次再食啦。
Post
