一木燒鵝

Open Now

Now Closed

今日難得收早就同朋友去旺角食一間好出名嘅燒味，地理位置十分方便地鐵站一出行6分鐘就到，裝修有別於一般茶餐廳好有特色，座位都好寬敞，見到餐牌上邊有鐵板餐就忍唔住想試吓，另外朋友就點咗乳豬叉燒雙拼飯，另外小食點左脆皮雞翼，先講吓鐵板餐，有齊豬扒，雞扒，牛扒，西蘭花同埋薯條，醬汁方面點左蒜蓉汁，扒嘅份量非常多而且煎行恰到好處唔會過熟，而且佢呢個餐會跟埋一個西湯同埋多士，可以作為開胃菜簡直係冇得彈，而且薯條炸得好香口作為雜扒餐來講簡直係冇得輸，而燒味飯方面，乳豬皮非常脆口而且皮肉分明，叉燒整得好香口，脂肪比例十分平均，原來係自家烤爐，作為燒味界簡直係錦上添花，小食方面雞翼炸得好香口加上$25有四隻雞翼覺得係超級抵食，飲品方面屬於正常甜度嘅比例唔會太甜，下次可以試埋其他燒味。