味苑 (Closed)

放工後搵地方醫肚，經過灣仔見到呢間食肆，都幾光猛，咁就求其入去食，坦白說是沒有期望，但是侍應都幾好禮貌，再望到餐牌，都幾醒神，有分類，有圖睇，有必食推介。咁就叫咗兩個必食推介，一個係咕嚕明蝦球，一個係脆炸牛坑腩，再叫多一個海皇一品豆腐煲。雖然冇期望，但食落就有喜出望外的感覺，完全冇中伏，首先個咕嚕明蝦球，酸酸甜甜開胃不特止，D炸蝦球炸到彈牙，即時要叫多個白飯食，第二道菜脆炸牛坑腩，都比較少見，呢個真係無得頂，外皮好脆，但牛坑腩整得剛剛好，牛肉味香又濃，食到口不停。最後個豆腐煲，好足料，豆腐好滑，隻蝦又入味又彈牙。最後個侍應仲送多個木瓜雪耳糖水，可以滋潤下，啲雪耳煮得又冧又滑，很有骨膠原的感覺。總括來說，正，可以encore。