一鳴拉麵

Open Now

Now Closed

大埔區非常多小店，今日又同囡囡去試新野，平時見一嗚拉麵要排隊，我地今日12:00 去到，第一個入去，之後唔夠15分鐘已經坐滿了🎊🎊🎊🎊🎊佢有四個湯底可供選擇，豬骨濃湯拉麵（一嗚）、豬骨濃湯配以自家製黑蒜油（黑蒜）、秘製地獄醬豬骨湯底（赤辛）、清新芫荽醬混入豬骨湯底（香葉）。我同囡囡就揀選了一嗚同赤辛，每個拉麵都配有叉燒或豬軟骨，你亦可以追加配菜，我同女女都追加了紫菜。秘製的豚骨湯底，香味濃郁，我哋都揀選了細麵條，麵條相當煙靭，迸發出意想不到的無窮滋味，我就揀了赤辛，於濃郁的湯底中混合極辛秘製辣醬，辛辣極致，每一口也帶來十足刺激感，愛辣口味的我非常喜愛。加$20除了可以追加飲品之外，還可以選擇炸雞或餃子。