泰中意 (Moved) New Location

我哋兩個人食，叫咗三樣餸。雞同豬嘅串燒，鹽燒烏頭，泰式香辣肉碎生菜包。串燒都燒得幾惹味，好有碳烤香，外皮燒至香脆，肉質仍然保留厚嫩，配上特調嘅花生醬好正。尤其係雞串真係好推薦！鹽燒烏頭好出色，平時最怕食魚嘅我都食得好開心😁一啲都唔腥！魚肉仲係好Juicy且入味，啖啖肉，好食🤤香辣肉碎生菜包夠晒鑊氣，辣辣地，唔會太鹹，加埋生菜🥬食可以平衡油膩感。不過我個人認為配飯仲正😍第一次嚟食，環境幾舒服，靜靜地放工去食餐飯都幾享受。最緊要係價錢合理，會有下次。